Unfinished Sympathy

Unfinished Sympathy
Singel av Massive Attack
frå albumet Blue Lines
Utgjeve 11. februar 1991
Innspelt 1990
Coach House, Bristol;
Abbey Road Studios, London
Sjanger Trip hop
Lengd 5:08
Selskap Virgin
Låtskrivar(ar)
Produsent
  • Massive Attack
  • Jonny Dollar
Massive Attack-kronologi 
«Daydreaming»
(1990)
Unfinished Sympathy «Safe from Harm»
(1991)


«Unfinished Sympathy» er ein song av den engelske gruppa Massive Attack, skriven av dei tre bandmedlemmane Robert «3D» Del Naja, Andrew «Mushroom» Vowles og Grant «Daddy G» Marshall, vokalisten på songen, Shara Nelson og ein av medprodusentane til gruppa, Jonathan «Jonny Dollar» Sharp. Songen vart gjeven ut som den andre singelen frå debutalbumet deira, Blue Lines, på bandet sitt Wild Bunch og distribuert gjennom Circa Records den 11. februar 1991.[1] Singelen vart gjeven ut under det mellombelse namnet Massive for å unngå at songen vart bannlyst på radio sidan han kom ut samstundes med Golfkrigen. Songen var produsert av Massive Attack og Dollar, og nyttar forskjellige element i arrangement, som vokal- og perkusjonssampling, trommeprogrammering og strykeorekster arrangert av Wil Malone. Då singelen kom ut gjekk han til topps i Nederland og nådde topp 20 i fleire land, som Sveits og Storbritannia. Musikkvideoen til singelen vart regissert av Baillie Walsh og er filma i eit einaste langt opptak der Nelson går gjennom eit nabolag i Los Angeles.

Songen vart raskt plukka opp som ein banebrytande song i utviklinga av britisk dance-musikk og vart hylla av musikkjournalista for den særeigne produksjonen og vokalen til Nelson. Han vart rangert høgt på årslistene til musikkmagasin over dei beste singlane frå 1991.

Bakgrunn og komposisjon endre

Nelson hadde kjend medlemmane i Massive Attack då dei framleis var ein del av lydsystem-kollektivet The Wild Bunch i Bristol, og vart introdusert for dei av Adrian Sherwood. Ho hadde sunge vokal på the Wild Bunch-singelen «The Look of Love» i 1986. «Unfinished Sympathy» utvikla seg frå ein song Nelson hadde skrive, som ho tidlegare hadde kalla «Kiss and Tell».[2] Då Nelson song melodien for seg sjølv i Coach House studio i Bristol under innspelinga av Blue Lines, oppfordra bandet og produsenten Dollar ho til å utvikle songen vidare. Bandmedlemmet 3D fortalte «Me tenkte, her er det noko».[3] Bandet, Dollar og Nelson arbeidde på songen under ein jam i studio, ved hjelp av ein trommemaskin, klaverinstrument og vokalen til Nelson. Han fekk det nye namnet sitt som eit ordspel på Schubert sin «Unfinished Symphony» under innspelinga 3D forklarte «Eg hata å setje ein tittel på noko utan eit tema, men med 'Unfinished Sympathy', så byrja med å jamme... og la på orkesteret seinare. Tittelen kom først opp som ein spøk, men passa songen og arrangementet så perfekt at me måtte bruke denne tittelen.»[4]

Orkesterbiten vart opphavleg spelt på synthesizerar, men som DJ Mushroom sa, «Synthen høyrtes for spinkel ut, så me tenkte me trengde verkelege strykarar. Orkesteret endra definitivt kjensla i songen, og gjorde han tyngre, djupare med meir kjensle. Dei var verkeleg gode, men dei trengde fem forsøk fordi dei låg litt bak takten.»[5] Det var Dollar sin ide å bruke eit fullt orkester, og han kontakta den britiske produsenten Wil Malone som arrangerte og dirigerte strykarane på songen. Strykarane vart spelte inn i Abbey Road Studios, London.[6] Som Mushroom seinare sa, så hadde ikkje gruppa rekna med kostnaden av orkesteret i budsjett for innspelinga av Blue Lines, og vart tvungne til å selje ein bil (ein Mitsubishi Shogun) for å betale for strykarane.[5]

«Unfinished Sympathy» er ein triphopsong med trommeprogrammering og scratching av Mushroom som ein del av arrangementet. John Bush frå Allmusic kalla desse elementa referansar til «b-boy-fortida» til gruppa.[7] Den den første stemninga i songen vert lagt fram av «rolege hiphop-rytmar» og samplingar av ein perkusjonsbreak frå «Parade Strut (Instrumental)» av J.J. Johnson.[8] Den originale albumversjonen av «Unfinished Sympathy» har ikkje ei tradisjonell basslinje.[8] Vokal-samplinga av ein mann som syng «hey, hey, hey, hey...» – kjem frå John McLaughlin og Mahavishnu Orchestra sin «Planetary Citizen» – og går att gjennom heile songen.[8][9]

Musikkvideo endre

 
Eit delvis kart av West Pico Boulevard, der Nelson går i musikkvideoen.

Musikkvideoen for «Unfinished Sympathy» vart regissert av Baillie Walsh, som òg hadde regissert videoen for den førre singelen til Massive Attack, «Daydreaming», og vart filma i eit enkelt, samanhengande opptak frå 1311 South New Hampshire Avenue[10] til 2632 West Pico Boulevard i Los Angeles i California.[11] Nelson går langs fortauet utan å ane eller bry seg om det som skjer rundt ho, med fyllikar, motorsyklistar og handikappa folk.[12] Ein kan sjå 3D (som heng opp eit telefonrøyr) og Daddy G (som skubbar ei handlevogn) er å sjå i bakgrunnen, noko ut av fokus.[13] Mot slutten av videoen, går NElson forbi kamera og held fram ned gata.

Sean O'Hagan frå The Guardian skildra videoen som «ein milepåle i moderne videoproduksjon, meir ein kortfilm som tar pusten frå ein enn ein popvideo».[12] Det engelske rockebandet The Verve gav sidan ei hyllest til videoen i sin eigen video for «Bitter Sweet Symphony» i 1997.[14]

Utgjeving endre

«Unfinished Sympathy» vart gjeven ut som den andre singelen frå Blue Lines den 11. februar 1991. Sidan singelen kom ut midt under Golfkrigen, vart ordet «attack» mellombels fjerna frå namnet på bandet, etter råd frå managementet og plateselskapet.[9] Namnet «Massive Attack» hadde tidlegare vore rekna som «upatriotisk» av BBC – og namnet vart derfor endra for å hindre at singelen vart bannlyst frå radio.[9] Singelen vart ein kommersiell suksess for gruppa og han klatra høgt på listene i Europa. «Unfinished Sympathy» gjekk til topps i Nederland og vart den første store hitten deira i Storbritannia med ein 13. plass på lista. Singelen nådde topp 10 i Sveits og topp 20 i Tyskland, Flandern og 48. plassen i New Zealand.

Mottaking endre

Då singelen kom ut vart han hylla av musikkpressa. NME kåra singelen til vekas singel og kalla han «ein intens, varmblodig dansesong.[15] Record Mirror, som òg kåra singelen til vekas singel, skreiv «Den smarte, underdrivne produksjonen tillett både venleiken frå dei svulstige strykarane og kjenslemessige vokalen å skine. Bandet er for smart til å berre kallast ei dance-gruppe, sjølv om dei er ekspertar på rytmar.»[16] Melody Maker kåra singelen til årets singel og skreiv «han vil utan tvil stå att som ein av dei største soulsongane gjennom tidene».[17] Songen vart plassert på åttandeplassen på lista til NME-kritikarane over årets singlar.[18]

I europeisk media har «Unfinished Sympathy» ofte blitt plassert høgt på lister over beste songar gjennom tidene:

  • Sjåarane til MTV2 i Storbritannia kåra songen til beste song gjennom tidene.[1]
  • The Face (UK) – årets singel [2]
  • Melody Maker (UK) – årets singel [3]
  • New Musical Express (UK) – årets 8. beste singel [4]
  • Iguana (Spania) – årets nest beste singel [5]
  • Lyttarane til BBC Radio 2 kåra songen til den 44. beste gjennom tidene[19]
  • Platemeldaren Julie Burchill har omtalt songen som favoritten hennar gjennom tidene.[6]
  • Mr. C frå technogruppa The Shamen meinte songen var den beste frå 1990-åra.[20]
  • Dance-produsenten Darren Tate har skildra songen som favorittsongen hans.[21]
  • Mixmag (UK) – rangert songen på tiandeplassen på lista over dei 100 beste dance-singlane gjennom tidene (1996)[7]
  • New Musical Express (UK) – rangerte songen på 10. plassen på lista over dei 100 beste singlane gjennom tidene (2002)Greatest Singles
  • Q (UK) – The 1001 Best Songs Ever (2003), rangert på 37. plass [8]
  • Q (UK) – Top 20 Singles from 1980-2004 (2004), rangert på 8. plass greatest songs
  • Pitchfork Media beste song frå 1990-åra, rangert på 44. plassen. [9]

Innhald endre

7" (WBRS 2)
  1. «Unfinished Sympathy» (Nellee Hooper 7" Mix) – 4:34
  2. «Unfinished Sympathy» – 5:12
12" (WBRT 2)
  1. «Unfinished Sympathy» (Paul Oakenfold Mix) – 5:18
  2. «Unfinished Sympathy» (Paul Oakenfold Instrumental Mix) – 5:18
  3. «Unfinished Sympathy» – 5:12
  4. «Unfinished Sympathy» (instrumental) – 4:08
CD (WBRX 2)
  1. «Unfinished Sympathy» (Paul Oakenfold Mix) – 5:18
  2. «Unfinished Sympathy» (Paul Oakenfold Instrumental Mix) – 5:18
  3. «Unfinished Sympathy» – 5:12
  4. «Unfinished Sympathy» (instrumental) – 4:08
12" remixes (WBRR 2)
  1. «Unfinished Sympathy» (Nellee Hooper 12" Mix) – 5:50
  2. «Unfinished Sympathy» (Nellee Hooper Instrumental Mix) – 5:34
  3. «Unfinished Sympathy» (original) – 5:12
2010 Remixes (WBRN 2)
  1. «Unfinished Sympathy» (Congorock Remix)
  2. «Unfinished Sympathy» (Steve Aoki «I Love Techno» Remix)
  3. «Unfinished Sympathy» (Tocadisco og R3hab Remix)
  4. «Unfinished Sympathy» (Paul Van Dyk Remix)
  5. «Unfinished Sympathy» (Oakenfold 2010 Rework)

Medverkande endre

Innspeling
Musikarar

Lister endre

Liste (1991) Plassering
Australia (ARIA Singles Chart)[22] 95
Belgia (Ultratop 50 Flandern)[23] 15
Tyskland (Media Control AG)[24] 17
Nederland (Nederlandsk Topp 40)[25] 1
Nederland (Mega Single Top 100)[26] 2
New Zealand (RIANZ)[27] 48
Sverige (Sverigetopplistan)[28] 40
Sveits (Schweizer Hitparade)[29] 9
UK Singles (Official Charts Company)[30] 13

Andre versjonar endre

Kjelder endre

  1. «News». NME (London, England: IPC Media): 4. 2 February 1991. 
  2. True, Everett (13 April 1991). «Surrender to the Rhythm». Melody Maker (London, England: IPC Media): 44–45. 
  3. «The 100 Greatest Singles of All Time». Q (London, England: EMAP) (149): 27–58. February 1999. 
  4. «5. Blue Lines – Massive Attack». Select (London, England: IPC Media): 51. January 1992. 
  5. 5,0 5,1 Robb, John (6 April 1991). «Wild at Heart». Sounds (London, England: Spotlight Publications): 37. 
  6. Blue Lines (liner notes). Massive Attack. Wild Bunch Records/Virgin. 2012. WBRCDR1. 
  7. Bush, John. «Unfinished Sympathy – Massive Attack». Allmusic. Rovi Corporation. Henta 17. mai 2016. 
  8. 8,0 8,1 8,2 Murphy, Colleen (28 Mai 2013). «Classic Album Sundagar' Colleen Murphy listens to Unfinished Sympathy». Bowers & Wilkins. Henta 17. mai 2016. 
  9. 9,0 9,1 9,2 O'Hagan, Sean (2 February 2003). «The brand plays on». The Guardian (London, England: Guardian Media Group). Henta 17. mai 2016. 
  10. 1311 S New Hampshire Ave, Los Angeles, CA 90006 to 2632 W Pico Blvd, Los Angeles, CA 90006 - Google Maps
  11. Iqbal, Nosheen (6 February 2010). «Massive Attack's art of darkness». The Guardian (London, England: Guardian Media Group). Henta 17. mai 2016. 
  12. 12,0 12,1 O'Hagan, Sean (28 October 2012). «Blue Lines: Massive Attack's blueprint for UK pop's future». The Guardian (London, England: Guardian Media Group). Henta 17. mai 2016. 
  13. Collected (liner notes). Massive Attack. Virgin Records. 2006. CDVX 3017. 
  14. 100 Greatest Pop Videos. 4 Ventures Limited. 8 February 2005. 
  15. Ellen, Barbara (23 February 1991). «Singles». NME (London, England: IPC Media): 18. 
  16. Chong, Davydd (16 February 1991). «Singles». Record Mirror (London, England: United Business Media): 18. 
  17. «Singles of the Year». Melody Maker (London, England: IPC Media): 68. 21–28 December 1991. 
  18. «Singles of the Year». NME (London, England: IPC Media): 59. 21–28 December 1991. 
  19. «bbc - radio 2 - sold on song - song library - top 100 - number 44 - unfinished sympathy». BBC. April 2005. Henta 26 March 2010. 
  20. MTV Dance: Back to the 90s television programme
  21. Darren Tate
  22. Ryan, Gavin (2011). Australia's Music Charts 1988-2010. Mt. Martha, VIC, Australia: Moonlight Publishing. 
  23. "Ultratop.be – Massive Attack – Unfinished Sympathy" (på nederlandsk). Ultratop 50. Ultratop & Hung Medien / hitparade.ch.
  24. "Die ganze Musik im Internet: Charts, News, Neuerscheinungen, Tickets, Genres, Genresuche, Genrelexikon, Künstler-Suche, Musik-Suche, Track-Suche, Ticket-Suche – musicline.de" (på tysk). Media Control Charts. PhonoNet GmbH.
  25. "Nederlandse Top 40 – Massive Attack search results" (på nederlandsk) Nederlandsk Topp 40. Stichting Nederlandse Top 40.
  26. "Dutchcharts.nl – Massive Attack – Unfinished Sympathy" (på nederlandsk). Mega Single Top 100. Hung Medien / hitparade.ch.
  27. "Charts.org.nz – Massive Attack – Unfinished Sympathy". Top 40 Singles. Hung Medien.
  28. "Swedishcharts.com – Massive Attack – Unfinished Sympathy". Topp 60. Hung Medien.
  29. "Massive Attack – Unfinished Sympathy – swisscharts.com". Den sveitsiske singellista. Hung Medien.
  30. "Archive Chart" UK Singles Chart. Official Charts Company.
  31. «Unfinished Sympathy (feat. Jasmine Thompson) - Single». iTunes Store. Henta May 31, 2015. 

Bakgrunnsstoff endre

Mal:Massive Attack