VM i fotball 1974

Verdsmeisterskapen i fotball 1974 vart avvikla i Vest-Tyskland i tida 13. juni til 7. juli. Dei 38 kampane fann stad på ni arenaer i like mange byar; München, Stuttgart, Frankfurt am Main, Düsseldorf, Gelsenkirchen, Dortmund, Hannover, Hamburg og Vest-Berlin. Vertslandet Vest-Tyskland vart verdsmeister for andre gong etter å ha vunne 2-1 over Nederland finalen. Polske Grzegorz Lato vart toppskårar i turneringa med sju mål.

Turneringsformatet var endra frå dei føregåande VM-turneringane. Som tidlegare vart dei 16 deltakarlanda delt i fire innleiingsgrupper, og der dei to beste laga i gruppene gjekk vidare til mellomspel. Dei attverande åtte laga, gruppevinnarane Aust-Tyskland, Jugoslavia, Nederland og Polen og gruppetoarane vart Vest-Tyskland, Brasil, Sverige og Argentina, vart så delt i to grupper. Vinnarane av dei mellomspelgruppene møttest så til finale, toarane i desse gruppene spelte bronsefinale. Nederland vann gruppe 1 framom Brasil, medan Vest-Tyskland sigr ai gruppe 2 framom Polen. I bronsekampen vann Polen 1-0 over Brasil.

Fyrste runde

Gruppe 1

#	Lag	K	S	U	T	Mål	±	P
1	Den tyske demokratiske republikken	3	2	1	0	4–1	3	7
2	Tyskland	3	2	0	1	4–1	3	6
3	Chile	3	0	2	1	1–2	−1	2
4	Australia	3	0	1	2	0–5	−5	1

Gruppe 2

#	Lag	K	S	U	T	Mål	±	P
1	Den sosialistiske føderale republikken Jugoslavia	3	1	2	0	10–1	9	5
2	Brasil	3	1	2	0	3–0	3	5
3	Skottland	3	1	2	0	3–1	2	5
4	Zaire	3	0	0	3	0–14	−14	0

Gruppe 3

#	Lag	K	S	U	T	Mål	±	P
1	Nederland	3	2	1	0	6–1	5	7
2	Sverige	3	1	2	0	3–0	3	5
3	Bulgaria	3	0	2	1	2–5	−3	2
4	Uruguay	3	0	1	2	1–6	−5	1

Gruppe 4

#	Lag	K	S	U	T	Mål	±	P
1	Polen	3	3	0	0	12–3	9	9
2	Argentina	3	1	1	1	7–5	2	4
3	Italia	3	1	1	1	5–4	1	4
4	Haiti	3	0	0	3	2–14	−12	0

Andre runde

Gruppe A

#	Lag	K	S	U	T	Mål	±	P
1	Nederland	3	3	0	0	8–0	8	9
2	Brasil	3	2	0	1	3–3	0	6
3	Den tyske demokratiske republikken	3	0	1	2	1–4	−3	1
4	Argentina	3	0	1	2	2–7	−5	1

Gruppe B

#	Lag	K	S	T	Mål	±	P
1	Tyskland	3	3	0	7–2	5	6
2	Polen	3	2	1	3–2	1	9
3	Sverige	3	1	2	4–6	−2	5
4	Jugoslavia	3	0	3	2–6	−4	5

Finalen

Lagoppstillingane

Finalen mellom Nederland og Vest-Tyskland fann stad på Olympiastadion i München den 7. juli. Nederland, som gjennom meisterskapen hadde imponert med sin såkalla totalfotball, tok leiinga på eit straffespark i det andre minuttet av kampen, etter at Johan Cruijff vart felt. Johan Neeskens var sikker eksekutør. Målet kom før nokon vesttysk spelar hadde vore borti ballen. I det 25. minutt utlikna Paul Breitner, også han på straffespark. Desse to straffane var dei fyrste i ein VM-finale. Kampen vart avgjord i det 43. minutt då den tyske mistspissen Gerd Müller netta frå kort hald.

På det vesttyske meisterlaget spelte Sepp Maier, kapteinen Franz Beckenbauer, Georg Schwarzenbeck, Berti Vogts, Paul Breitner, Rainer Bonhof, Uli Hoeneß, Wolfgang Overath, Jürgen Grabowski, Gerd Müller og Bernd Hölzenbein.

Nederlands lag bestod av Jan Jongbloed, Wim Suurbier, Wim Rijsbergen, Arie Haan, Ruud Krol, Wim Jansen, Johan Neeskens, Willem van Hanegem, Johnny Rep, Johan Cruijff, Rob Rensenbrink. I pausa vart Rensenbrink bytta ut med René van de Kerkhof, medan Theo de Jong tok Rijsbergens plass midtvegs i den andre omgangen.

Kjelder

Denne artikkelen bygger på «Fußball-Weltmeisterschaft 1974» frå Wikipedia på tysk, den 22. juli 2015.