Gloria av Them
| Gloria Singel av Them frå albumet The Angry Young Them | ||
| A-side | ||
|---|---|---|
| Språk | engelsk | |
| Utgjeve | 2. desember 1964 | |
| Innspelt | 5. april 1964 | |
| Studio | Decca Three Studios i West Hampstead i Storbritannia | |
| Sjanger | ||
| Lengd | 2:38 | |
| Selskap | Decca | |
| Komponist | Van Morrison | |
| Tekstforfattar | Van Morrison | |
| Låtskrivar(ar) | Van Morrison | |
| Produsent | Dick Rowe | |
| Them-kronologi | ||
| «Baby, Please Don't Go» (1964) |
Gloria | «Here Comes the Night» (1965)
|
«Gloria» er ein song skriven av den nordirske songaren og låtskrivaren Van Morrison og opphavleg spelt inn av bandet til Morrison, Them i 1964 og gjeven ut som B-sida til «Baby, Please Don't Go». Songen vart ein garasjerock-standard og har blitt spelt av mange andre rockeband. Songen er lett å spele med tre akkordar og derfor lett å lære seg på gitar.
Historie
endreMorrison sa at han skreiv «Gloria» medan han framførte songen med The Monarchs i Tyskland sommaren 1963, då han vart 18 år gammal.[4] Han byrja å spele songen på Maritime Hotel då han kom attende til Belfast og byrja å spele med The Gamblers som utvikla seg til Them. Han improviserte teksten medan han song, og stundom strekte songen ut til 15 eller 20 minuttar. Etter å ha fått platekontrakt med Dick Rowe og Decca, drog Them til London for å spele inn musikk i Decca Three Studios i West Hampstead den 5. april 1964. «Gloria» var ein av sju songar dei spelte inn den dagen. Utanom Morrison spelte Billy Harrison gitar, Alan Henderson bass, Ronnie Millings trommer og Patrick John McCauley spelte klaverinstrument. Rowe henta inn studiomusikaren Arthur Greenslade på orgel og Bobby Graham på trommer, sidan han meinte Them ikkje hadde erfaring nok. Det har vore diskutert om mikrofonane var sett opp hos Millings eller McCauley, men Alan Henderson meiner at Them var den første rockegruppa som brukte to trommeslagarar på ei innspeling.[5] Somme kjelder hevdar at Jimmy Page spelte andregitar, medan andre kjelder nektar for dette.[6]
«Gloria» var B-side då «Baby, Please Don't Go» kom ut i Storbritannia 6. november 1964. Han kom ut i 1973 på Deram, men gjekk ikkje inn på lista.
Utgjevingar
endreOriginalinnspelinga med Them
endre- The Angry Young Them (1965)
- The Best of Van Morrison (1990)
- The Story of Them Featuring Van Morrison (1997)
- Van Morrison at the Movies - Soundtrack Hits (2007)
- Still on Top – The Greatest Hits (2007)
Studioversjon med John Lee Hooker
endre- Too Long in Exile (1993)
- The Best of Van Morrison Volume 3 (2007)
Konsertopptak av Van Morrison
endre- It's Too Late to Stop Now (1974)
- Van Morrison in Ireland (1981)
- Van Morrison The Concert (1990)
- A Night in San Francisco (med John Lee Hooker) (1994)
- Live at Austin City Limits Festival (2006)
- Astral Weeks Live at the Hollywood Bowl (bonusspor på vinylutgåve) (2009)
- Astral Weeks Live at the Hollywood Bowl: The Concert Film (bonusspor) (2009)
Andre versjonar
endre| Gloria Singel av Patti Smith Group frå albumet Horses | ||
| B-side | ||
|---|---|---|
| Språk | engelsk | |
| Utgjeve | 13. april 1975 | |
| Innspelt | 1975 | |
| Studio | Electric Lady Studios i New York City | |
| Sjanger | Punkrock | |
| Lengd | 5:57 | |
| Selskap | Arista | |
| Komponist | Van Morrison | |
| Tekstforfattar | Van Morrison | |
| Låtskrivar(ar) | ||
| Produsent | John Cale | |
| Patti Smith Group-kronologi | ||
| «Hey Joe» (1974) |
Gloria | «Pissing in a River» (1976)
|
- The Gants (frå albumet Roadrunner) – den tidlegaste kjende coverversjonen i november 1965.
- The Bobby Fuller Four gjorde eit konsertopptak av songen i 1965 på nattklubben P.J.'s. Songen vart gjeven ut på Live at PJ's Plus!.
- The Shadows of Knight gav songen ut på singel i desember 1965 og seinare på albumet Gloria. Denne nådde 10. plassen på Billboard Hot 100 i 1966, og gjorde det betre enn den originale Them-versjonen.[7]
- Status Quo (under namnet The Spectres) spelte songen på BBC den 10. september 1966 og som Status Quo på David Symonds Show i 1968.
- The Hombres inkluderte ein versjon av songen på albumet Let It Out (Let It All Hang Out) i 1968.
- The Doors spelte inn songen mellom 1968 og 1970. Ein av desse vart gjeven ut på Alive, She Cried (1983).
- AC/DC spelte ofte songen på dei tidlege konsertane sine. Songaren Bon Scott hadde ofte spelt songen med den første gruppa si The Spektors.
- Patti Smith i 1975 på albumet Horses. Denne versjonen er basert på Morrison sin, men med ny tekst, mellom anna med linja «Jesus died for somebody's sins / But not mine».
- Eddie and the Hot Rods på singelen «96 Tears/Get Out of Denver/Gloria/(I Can't Get No) Satisfaction» som kom ut i Storbritannia i 1976.
- Santa Esmeralda (frå albumet Don't let me be misunderstood) i ein sigøynerdiscoversjon i 1977.
- Jimi Hendrix sin versjon av «Gloria» kom først ut i 1979 på samleplata The Essential Jimi Hendrix Volume Two.
- Joe Strummer sitt band The 101ers spelte inn songen på albumet deira Elgin Avenue Breakdown i 1981.
- Det newzealandske bandet The Pleazers spelte songen live og eit opptak finst på Kiwi Classics, Vol 2.
- U2 song delar av songen mot slutten av «Exit» på nesten alle konsertane sine. Dette finst det opptak av på Rattle and Hum i 1988.
- David Bowie spelte ofte ssongen i 1990 på Sound and Vision-turneen.[8]
- Ein del av introen, gitarsoloen og avslutninga av «Play Guitar» av John Cougar Mellencamp er særs lik delar av «Gloria».
- Energy Orchard gav ut eit konsertopptak i 1993 på albumet deira Shinola.
- Shane MacGowan framførte songen med Van Morrison under BRIT Awards i 1994 og endra «R–I–A» til «I–R–A» då han song refrenget
- Rick Springfield gjorde eit konsertopptak av songen i 2001 på albumet Greatest Hits Alive og har framført songen mange gonger på konsertane sine.[9]
- Popa Chubby gav ut eit konsertalbum i 2003 med songen.
- Tom Petty spelte songen mange gonger på Highway Companion-turneen i 2006, og avslutta dei fleste konsertane med songen på dei tjue konsertane han heldt i The Fillmore Auditorium i San Francisco i 1997.
- The Tragically Hip framførte songen på konsertar.
- Bill Murray opna Crossroads Guitar Festival i 2007 med «Gloria», og sa at det var den einaste songen han kunne spele. Eric Clapton kom inn på scenen for å avslutte songen for han.[10]
- Gandalf Murphy and the Slambovian Circus of Dreams spelte inn songen i ein medley med julesongen «Angels We Have Heard on High» på julealbumet deira A Very Slambovian Christmas i 2008.
- Bruce Springsteen avslutta konserten sin i Hershey Park Stadium den 19. august 2008 med ein versjon av «Gloria», og ropte, «La oss ta det attende til der alt byrja!»[11]
- Billie Joe Armstrong song refrenget G-L-O-R-I-A mot slutten av songen «Horseshoes and Handgrenades» på albumet 21st Century Breakdown i 2009.[12]
- Anthony Kiedis song G-L-O-R-I-A under songen «Venice Queen». «Venice Queen» var ei hyllest til terapeuten Gloria Scott, som døydde kort tid etter at han kjøpte eit hus til ho på Venice Beach i California.
- Iggy Pop spelte inn songen i 2011 på albumet Roadkill Rising
- The 13th Floor Elevators gjorde eit konsertopptak i 1966 som i 2005 kom ut på The Psychedelic Sounds of the 13th Floor Elevators.
- Dennis Quaid spelte songen med Meat Loaf i 2009 på ein konsert i Winnipeg i Canada.[13]
- Bon Jovi spelte songen som ein del av ein medley under Bon Jovi Live-turneen deira i 2011.[14]
- Simple Minds spelte songen på Neon Lights og har ofte spelt songen på konsertar.[15]
- Pidżama Porno spelte inn songen i 1998 på albumet deira Styropian. Den polske teksten var skriven av Krzysztof Grabowski og Marcin Świetlicki.
- Andre versjonar av Morrison-songen er blitt spelt av mellom andre Grateful Dead, Blues Traveler, R.E.M., Rickie Lee Jones, Johnny Thunders og Blues Magoos.
Ettermæle
endreEi forklaring på den tidlause populariteten til songen vart gjeven av Bill Janovitz i AllMusic:[16]
Det vakre med originalen er at Van Morrison berre treng å snakkesyngje i sin Howlin' Wolf-stil, «I watch her come up to my house/She knocks upon my door/And then she comes up to my room/I want to say she makes me feel all right/G-L-O-R-I-A!» for å overføre tenåringsbegjæret sitt. Den originale latinske tydinga av namnet er ikkje tapt for Morrison. Them varierer aldri frå dei tre akkordane, og brukar berre dynamiske endringar for å forsterke spaninga.
«Gloria» vart rangert på 69. plassen på lista til Dave Marsh' i boka The Heart of Rock & Soul: The 1001 Greatest Singles Ever Made. Han skildra songen som ein av få rockesongar som faktisk er så openlyst sexy som ryktet skal ha det til.»[17]
I boka si Rock and Roll: The 100 Best Singles skreiv Paul Williams «I hjartet av udyret... her er noko som er så bra, så reint, at om ingenting anna enn denne plata eksisterte, så ville det likevel ha vore noko kalla rock and roll ... Van Morrison si røyst er ei eld i mørkret, fyrlykta i enden av verda. Resultatet er ein av dei mest perfekte anthem som nokon gong er laga.»[18]
Komikaren Dave Barry sa «Du kan kaste ein gitar ned ei fjellside, og medan han hoppar og sprett nedover, så vil han, av seg sjølv, spele Gloria.»[19]
I 1999 vart «Gloria» av Them innlemma i Grammy Hall of Fame Award.[20] I 2000 vart «Gloria» av Them rangert på 81. plassen på lista til VH1 over dei 100 beste rockesongane gjennom tidene.[21] «Gloria» av Them vart rangert på 208. plassen på lista til Rolling Stone over dei 500 beste songane gjennom tidene i 2003, men vart flytta ned til 211. plassen i 2010.[22]
Salslister
endreThem1
| Liste (1965)[23] | Plassering |
|---|---|
| Billboard Hot 100 | 93 |
| Liste (1966)[23] | Plassering |
| Billboard Hot 100 | 71 |
Shadows of Knight
| Liste (1966)[24] | Plassering |
|---|---|
| Billboard Hot 100 | 10 |
Van Morrison og John Lee Hooker
| Lister (1993)[25][26] | Plassering |
|---|---|
| Irish Singles Chart | 17 |
| UK Singles Chart | 31 |
| Hot Mainstream Rock Tracks | 36 |
| Australia | 22 |
| Nederland | 37 |
- 1 Som B-side i 1964 til singelen «Baby, Please Don't Go».
Kjelder
endre- Denne artikkelen bygger på «Gloria av Them» frå Wikipedia på engelsk, den 25. mars 2018.
- Wikipedia på engelsk oppgav desse kjeldene:
- Williams, Paul; Berryhill, Cindy Lee (December 1993). «Baby Please Don't Go / Gloria – Them (1964)». Rock and Roll: The 100 Best Singles (Hardcover utg.). United States: Entwhistle Books. s. 71–72. ISBN 978-0-934558-41-9.
- Rogan, Johnny (June 2005). Van Morrison: No Surrender (Hardcover utg.). Storbritannia: Secker and Warburg. ISBN 978-0-436-20566-8.
- Heylin, Clinton (2003). Can You Feel the Silence? Van Morrison: A New Biography, Chicago Review Press ISBN 1-55652-542-7
- Turner, Steve (1993). Van Morrison: Too Late to Stop Now, Viking Penguin, ISBN 0-670-85147-7
- ↑ Stiernberg, Bonnie. «The 50 Best Garage Rock Songs of All Time». Paste. Arkivert frå originalen 1. august 2017. Henta 24. mars 2018.
- ↑ Johnny Rogan (2006). Van Morrison: No Surrender. Vintage. s. 102. ISBN 978-0-09-943183-1.
- ↑ Pafford, Steve (6. juli 2010). Bowie Style. Music Sales Limited. s. 152. ISBN 978-0-85712-364-0.
- ↑ Heylin, s. 76
- ↑ Turner, s. 46-49
- ↑ All Music Guide to Rock: The Definitive Guide to Rock, Pop, and Soul - Google Books. Books.google.com. Henta 24. mars 2018.
- ↑ «Dunwich Album Discography». bsnpubs.com. Henta 24. mars 2018.
- ↑ «The Sound + Vision Tour». littleoogie.com. Henta 24. mars 20180210072934/http://www.littleoogie.com/david_bowie_tours/sound/page1.html.
- ↑ «Songs: Gloria». Henta 24. mars 2018.
- ↑ «Crossroads Guitar Festival 2007». crossroadsguitarfestival2007.com. Arkivert frå originalen 22. september 2009. Henta 24. mars 20180922031559/http://crossroadsguitarfestival2007.com/pbsgreatperformance.html.
- ↑ «Bruce Springsteen, Hershey Park sweet review, 08-19-2009». springsteeninformationcenter.wordpress.com. Arkivert frå originalen 18. juli 2011. Henta 24. mars 2018.
- ↑ «Music Review: Green Day's 21st Century Breakdown». ivorytowerz.com. Arkivert frå originalen 29. september 2009. Henta 25. mars 2018.
- ↑ «MEAT LOAF: Paul and Dennis Quaid». YouTube. 10. oktober 2009. Henta 25. mars 2018.
- ↑ «Same old bad medicine and leather trousers as Bon Jovi turn up the heat». The Irish Times. 30. juni 2011. Henta 24. mars 2018.
- ↑ «Songs: Gloria». Henta 24. mars 2018.
- ↑ Janovitz, Bill. «Gloria». Allmusic. Henta 25. mars 2018.
- ↑ «The Heart of Rock and Soul». Henta 24. mars 2018.
- ↑ Williams, Paul; Berryhill, Cindy Lee (December 1993). «Baby Please Don't Go / Gloria – Them (1964)». Rock and Roll: The 100 Best Singles (Hardcover utg.). United States: Entwhistle Books. s. 71–72. ISBN 978-0-934558-41-9.
- ↑ Barry, Dave. «Glory Days» (PDF). Henta 25. mars 2018.
- ↑ «GRAMMY Hall Of Fame Award». National Academy of Recording Arts and Sciences. Arkivert frå originalen 7. juli 2015. Henta 24. mars 2018.
- ↑ «Van Morrison – charts». Henta 14. april 2008.
Bakgrunnsstoff
endre| 98: «In My Life» The Beatles |
Plassering på lista til Rolling Stone frå 2021 over dei 500 beste songane gjennom tidene 97 «Gloria» Patti Smith |
96: «99 Problems» Jay-Z |
| 414: «Dreaming» Blondie |
Plassering på lista til Rolling Stone frå 2021 over dei 500 beste songane gjennom tidene 413 «Gloria» Them |
412: «Buffalo Stance» Neneh Cherry |
| 212: «In My Room» The Beach Boys |
Plassering på lista til Rolling Stone frå 2010 over dei 500 beste songane gjennom tidene 211 «Gloria» Them |
210: «Bye Bye Love» The Everly Brothers |