Innlandsstat

Innlandsstat er ein sjølvstendig stat som ikkje har kyst mot havet, men berre grensar til andre land. Dei kan likevel ha kystlinjer mot innsjøar. I 2008 fanst det 44 innlandsstatar. Det finst innlandsstatar i alle folkesette verdsdelar bortsett frå Oseania og Nord-Amerika.

Verdas innlandsstatar ifølgje CIA World Factbook.

To statar i verda er «doble innlandsstatar», det vil seia at dei også er omgjevne av innlandsstatar. Ein må dermed reisa gjennom minst to land for å koma til havet derfrå. Desse to doble innlandsstatane er Liechtenstein og Usbekistan. Nokre statar kan ha ei kort kystline, men inga hamn, slik at landet i praksis blir ein innlandsstat. Dette gjeld til dømes Bosnia-Herzegovina.

Transport og reise til og frå innlandsstatar må føregå over landjorda, eller i nyare tid gjennom luftfart. Nokre av dei har likevel farbare elver og kanalar, som Sveits, Austerrike, Ungarn, Serbia og Kasakhstan.

Innlandsstatar i verda

Afghanistan Andorra Armenia Aserbajdsjan1 Austerrike Bhutan Bolivia Botswana Burkina Faso Burundi Den sentralafrikanske republikken

Eswatini Etiopia Kasakhstan1, 2 Kirgisistan Kosovo Kviterussland Laos Lesotho3 Liechtenstein Luxemburg Makedonia Malawi Moldavia

Mali Mongolia Nepal Niger Paraguay Rwanda San Marino3 Sveits Serbia Slovakia Sør-Sudan

Tadsjikistan Tsjad Tsjekkia Turkmenistan 1 Uganda Ungarn Usbekistan2 Vatikanstaten3 Zambia Zimbabwe

¹Har kyst til Kaspihavet, som har kanalsamband med havet.

²Har kyst til Aralsjøen

³Heilt innringa av ein annan stat

Kjelder

• Denne artikkelen bygger på «Inlandsstat» frå Wikipedia på svensk, den 1. juni 2013.