Wikipedia

Jacky Rosen

Jacklyn Sheryl Rosen (fødd 2. august 1957) er ein amerikansk politikar som har representert Nevada i det amerikanske senatet sidan 2019. Rosen er medlem av Det demokratiske partiet og representerte det 3. kongressdistriktet til Nevada i Representanthuset frå 2017 til 2019.

Jacky Rosen

FøddJacklyn Sheryl Spektor
2. august 1957 (66 år)
Chicago
Statsborgar avUSA
PartiDet demokratiske partiet i USA
Yrkepolitikar, programvareutvikler, bedriftsleiar
Utdanna vedUniversity of Minnesota
College of Southern Nevada
John Hersey High School
VervAmerikansk senator frå Nevada 3. januar 2019
FøregangarDean Heller
VervMedlem av Representanthuset frå Nevada 3. januar 2017-3. janaur 2019
FøregangarJoe Heck
EtterfylgjarSusie Lee
Alle verv
  • medlem av USAs representanthus (2017–2019)
  • medlem av USAs representanthus (2017–2019)
  • senator i USA (2019–2021)
  • senator i USA (2021–2023)
  • senator i USA (2023–) Sjå dette på Wikidata

Rosen blei vald inn i senatet i 2018 då ho slo den sitjande republikanaren Dean Heller.[1] Ho var det einaste nye medlemmet av underhuset til å vinne eit sete i senatet i mellomvalet i 2018 og den einaste utfordraren som slo ein sitjande republikansk senator i 2018.

Tidleg liv og karriere endre

Rosen blei fødd 2. august 1957 i Chicago i Illinois som dottera av husmora Carol[2][3][4] og bilseljaren Leonard Spektor, ein veteran frå Koreakrigen.[3] Mora var av irsk, tysk og austerriksk opphav og faren sin familie var jødiske innvandrarar frå Russland og Austerrike.[5]

Rosen gjekk på University of Minnesota og blei uteksaminert med ein bachelorgrad i psykologi i 1979.[6] Foreldra flytta til Las Vegas mens ho gjekk på college, og ho flytta etter dei då ho var uteksaminert. Ho tok ein jobb ved Summa Corporation og jobba som servitør på Caesars Palace i somrane på 1980-talet. Mens ho jobba for Summa gjekk ho på Clark County Community College (no College of Southern Nevada) og tok ein associate degree i data og informasjonsteknologi i 1985.[6] I 1990 byrja ho å jobbe for Southwest Gas fram til ho byrja sitt eige rådgjevingsselskap tre år seinare.[7]

Representanthuset endre

Rosen, ein tidlegare programmerar utan politisk erfaring, blei spurt av den dåverande minoritetsleiaren i senatet Harry Reid om å stille til val for setet i Representanthuset, som stod tomt etter republikanaren Joe Heck i 2016.[8] Den 26. januar erklærte ho at ho skulle stille til val i det 3. kongressdistriktet til Nevada.[9] Rosen vann med 60 % av røystene i primærvalet til demokratane,[10] og vann ein knapp[8] siger over republikanaren Danny Tarkanian i valet.[11] Ho blei teken i eid 3. januar 2017.

Det amerikanske senatet endre

 
Rosen i den 115. amerikanske kongressen

2018 endre

Rosen blei vald inn i det amerikanske senatet den 6. november 2018 med ein siger over den sitjande republikanaren Dean Heller. Under valkampen, som ho byrja 5. juli 2017, fekk ho støtte frå den tidlegare presidenten Barack Obama[12] og tidlegare visepresident Joe Biden.[8] Under valkampen fokuserte Rosen på si støtte for Affordable Care Act («Obamacare») og kritiserte røysta til Heller for å oppheve loven i 2017.[13][14] Rosen hadde røysta mot forsøket til republikanarane på å oppheve Obamacare.[14]

Rosen slo Heller med 50,4 % av røystene, mot Heller sine 45,4 %. Heller vann i 15 av dei 17 fylka i Nevada, men Rosen vann i dei to største, Clark County (der Las Vegas ligg) og Washoe County (der Reno ligg). Ho vann i Clark County med over 92 000 røyster, nesten det dobbelte av marginen ho vann med i delstaten på 48 900.[15]

Rosen var ein av berre to demokratar som ikkje allereie var sitjande, saman med Kyrsten Sinema frå Arizona, som vann senatorvalet i 2018. Rosen var også den 37. personen til å sitje ein periode i Representanthuset til å vinne ein plass i senatet, og den første kvinna til å gjere det.[16]

Mandatsperiode endre

Den 117. amerikanske kongressen (2021–no) endre

Rosen var i kongressbygget for teljinga av valmannsrøystene i 2021, då Trump-supportarane storma kongressen. Ho var i Russell Senate Office Building da ho blei evakuert til ein hemmeleg, trygg stad. Under åtaket tvitra ho og skildra hendinga som «reprehensible» og at «It’s time for us as a nation to come together and denounce hate and violence.»[17]

Politiske posisjonar endre

Rosen har blitt skildra både som ein liberal demokrat og ein moderat demokrat.[18][19][20] Per januar 2021 hadde FiveThirtyEight funne at Rosen røysta likt med president Donald Trump i 34,6 % av tilfella.[21] American Conservative Union gav ho ei omdømming på 5,35 % i 2021.[22]

Utanrikspolitikk endre

I april 2019 var Rosen ein av 34 senatorar som signerte eit brev til Trump der han blei oppfordra «to listen to members of your own Administration and reverse a decision that will damage our national security and aggravate conditions inside Central America», der dei også sa at Trump hadde «consistently expressed a flawed understanding of U.S. foreign assistance» etter å ha blitt president, og at han dreiv med «personally undermining efforts to promote U.S. national security and economic prosperity» ved å hindre bruken av midlar øyremerkt for nasjonal sikkerheit i 2018. Senatorane argumenterte for at støtte til land i Mellom-Amerika ville føre til mindre emigrasjon til USA ved å betre tilstandane i de gjeldande landa.[23]

Våpenpolitikk endre

Rosen støttar ei ulovleggjering av angrepsvåpen i USA.[19]

Helsevesen endre

Rosen støttar Affordable Care Act og provisjonane som hindrar pasientar i å bli nekta forsikring eller få høgare kostnadar på grunn av alder eller eksisterande helsetilstandar. Ho støttar moglegheita for borgarar å kjøpe seg inn i Medicaid som eit alternativ til å tevle med private forsikringsselskap.[24][25]

Under nedstenginga av statsapparatet i januar 2019 var Rosen ein av 34 senatorar som signerte eit brev til kommissæren av Food and Drug Administration Scott Gottlieb der dei anerkjende arbeidet til FDA arbeid med biverknadane av nedstenginga på offentleg helse og tilsette, samtidig som dei uttrykte bekymringar for «that the continued shutdown will result in increasingly harmful effects on the agency's employees and the safety and security of the nation's food and medical products.»[26]

I februar 2019 var Rosen ein av 11 senatorar som signerte eit brev til insulinprodusentane Eli Lilly and Company, Novo Nordisk og Sanofi over dei aukande prisane på insulin, som dei skulda for at pasientar mangla «access to the life-saving medications they need.»[27]

I august 2019 var Rosen ein av 19 senatorar som signerte eit brev til finansminister Steven Mnuchin og helse- og omsorgsminister Alex Azar der dei bad om informasjon frå Trump-regjeringa for å kunne hjelpe delstatar og kongressen forstå dei moglege konsekvensene av kva som ville skje om Texas v. United States ville få medhald i retten. Dei skreiv at ei total overhaling av helsevesenet ville skape «an enormous hole in the pocketbooks of the people we serve as well as wreck state budgets».[28]

Immigrasjon endre

Rosen støttar «comprehensive immigration reform», men meiner ikkje at Immigration and Customs Enforcement bør avskaffast.[19]

Jobbar og økonomi endre

Rosen var ein av tre demokratar som røysta mot partiet sitt for å gjere individuelle skattelettar permanente.[29] Ho støtter ein minstelønn på $15 timen.[19]

Kvinnerettar endre

Rosen er for sjølvbestemt abort, og har fått støtte frå NARAL Pro-Choice America.[30]

Privatliv endre

Rosen bur i Henderson i Nevada saman med mannen Larry, som er radiolog.[31][7] Saman har dei ei dotter.[32] Før ho gjekk inn i politikken var ho president for Congregation Ner Tamid, ein reformjødisk synagoge i Henderson.[7][33] Ho har vist til filosofien i tikkun olam som å ha spelt ei stor rolle i avgjerda si om å gå inn i politikken.[34]

Kjelder endre

  1. ↑ «Midterm Election Results Leave a Divided Congress». New York Times (på engelsk). 7. november 2018. Henta 28. september 2021. 
  2. ↑ «Rosen, Jacklyn Sheryl». Biographical Directory of the United States Congress (på engelsk). Henta 29. september 2021. 
  3. ↑ 3,0 3,1 «Leonard Spektor Obituary». Las Vegas Review-Journal (på engelsk). 2. juli 2011. Henta 30. september 2021. 
  4. ↑ «Carol Spektor Obituary». Las Vegas Review-Journal (på engelsk). 4. august 2011. Henta 29. september 2021. 
  5. ↑ Messerly, Megan (15. oktober 2018). «Jacky Rosen: From politically invisible to the center of a critical Senate race». The Nevada Independent (på engelsk). Henta 29. september 2021. 
  6. ↑ 6,0 6,1 Lochhead, Colton (18. juli 2018). «Heller ad claim against Rosen prompts new disclosure of degree». Las Vegas Review-Journal (på engelsk). Henta 29. september 2021. 
  7. ↑ 7,0 7,1 7,2 Lochhead, Colton (4. juli 2016). «Congressional candidate Jacky Rosen a newcomer, unknown to most Southern Nevadans». Las Vegas Review-Journal (på engelsk). Henta 30. september 2021. 
  8. ↑ 8,0 8,1 8,2 Corona, Marcella (4. mai 2018). «Former Vice President Joe Biden endorses U.S. Senate hopeful Jacky Rosen». Reno Gazette-Journal (på engelsk). Henta 29. september 2021. 
  9. ↑ Richardson, Seth A. (26. januar 2016). «Democrat Jacky Rosen launches bid for Rep. Heck's House seat». Reno Gazette-Journal (på engelsk). Henta 29. september 2021. 
  10. ↑ Botkin, Ben (14. juni 2016). «GOP taps Tarkanian over Roberson in 3rd Congressional District primary». Las Vegas Review-Journal (på engelsk). Henta 29. september 2021. 
  11. ↑ Bowman, Bridget (9. november 2016). «Democrat Jacky Rosen Wins in Nevada's 3rd District». Roll Call (på engelsk). Henta 29. september 2021. 
  12. ↑ Seitz-Wald, Alex (1. august 2018). «Barack and Michelle Obama just endorsed nearly 100 midterm candidates». NBC News (på engelsk). Henta 29. september 2021. 
  13. ↑ Hagen, Lisa (13. juli 2018). «Jacky Rosen hits Dean Heller over health care in first negative ad». The Hill (på engelsk). Henta 29. september 2021. 
  14. ↑ 14,0 14,1 Schoen, John W.; Pramuk, Jacob (20. september 2018). «Trump jumps into the Nevada Senate race – ground zero in the midterm debate over Obamacare». CNBC (på engelsk). Henta 29. september 2021. 
  15. ↑ «Nevada – Full Senate results» (på engelsk). CNN. Henta 29. september 2021. 
  16. ↑ Ostermeier, Eric (27. juli 2017). «Jacky Rosen's Historic 2018 US Senate Bid». Smart Politics (på engelsk). Henta 29. september 2021. 
  17. ↑ Martin, Gary (6. januar 2021). «Nevada delegation evacuated during protest». Las Vegas Review-Journal (på engelsk). Henta 29. september 2021. 
  18. ↑ Nilsen, Ella (11. oktober 2018). «Nevada Democratic Senate candidate Jacky Rosen is making a bet that she can run on immigration – and win». Vox (på engelsk). Henta 29. september 2021. 
  19. ↑ 19,0 19,1 19,2 19,3 DeHaven, James (22. oktober 2018). «Meet Jacky Rosen, the congressional newcomer hoping to help Democrats retake U.S. Senate». Reno Gazette Journal (på engelsk). Henta 30. september 2021. 
  20. ↑ Everett, Burgess; Caygle, Heather (23. mai 2018). «The ex-synagogue president who could decide Senate control». POLITICO (på engelsk). Henta 29. september 2021. 
  21. ↑ «Tracking Congress In The Age Of Trump». FiveThirtyEight (på engelsk). 13. januar 2021. Henta 29. september 2021. 
  22. ↑ «Sen. Jacky Rosen» (på engelsk). American Conservative Union. Henta 29. september 2021. [daud lenkje]
  23. ↑ Frazin, Rachel (4. april 2019). «More than 30 Senate Dems ask Trump to reconsider Central American aid cuts». The Hill (på engelsk). Henta 29. september 2021. 
  24. ↑ Giwargis, Ramona (25. august 2018). «Health care a key element of Jacky Rosen's run for Senate». Las Vegas Review-Journal (på engelsk). Henta 30. september 2021. 
  25. ↑ Tillett, Emily (17. september 2018). «Nevada's Jacky Rosen's new ad shows latest Democratic push for health care in 2018». CBS News (på engelsk). Henta 30. september 2021. 
  26. ↑ «Democratic Senators "Alarmed" by Shutdown's Potential Impact on Food Safety». FoodSafetyMagazine.com (på engelsk). 15. januar 2019. Henta 30. september 2021. 
  27. ↑ Patterson, Erin (5. februar 2019). «Sen. Kaine calls on pharmaceutical companies to explain skyrocketing insulin prices». 13newsnow.com (på engelsk). Arkivert frå originalen 5. februar 2019. Henta 30. september 2021. 
  28. ↑ «U.S. Senator Tammy Baldwin Requests Data from Trump Administration on Consequences of Texas V. United States Prevailing» (på engelsk). Urban Milwaukee. 1. august 2019. Henta 30. september 2021. 
  29. ↑ Lorenzo, Aaron (28. september 2018). «House votes to make individual tax cuts permanent». POLITICO (på engelsk). Henta 30. september 2021. 
  30. ↑ «Jacky Rosen's Ratings and Endorsements». Vote Smart (på engelsk). Henta 30. september 2021. 
  31. ↑ «Jacky Rosen, U.S. Senator». Geni.com (på engelsk). Henta 30. september 2021. 
  32. ↑ «Meet Jacky Rosen» (på engelsk). Jacky Rosen Nevada. Henta 30. september 2021. 
  33. ↑ Messerly, Megan (20. april 2016). «Congressional candidate Jacky Rosen talks issues from health care to national security». Las Vegas Sun (på engelsk). Henta 30. september 2021. 
  34. ↑ «Jewish congresswoman Jacky Rosen announces run for Nevada Senate seat» (på engelsk). Jewish Telegraphic Agency. 6. juli 2017. Henta 30. september 2021. 

Bakgrunnsstoff endre

  Commons har multimedium som gjeld: Jacky Rosen
Henta frå «https://nn.wikipedia.org/w/index.php?title=Jacky_Rosen&oldid=3470361»