Joe Lovano

Joseph Salvatore «Joe» Lovano (fødd 29. desember 1952) er ein jazzsaksofonist frå Cleveland i Ohio i USA.

Joe Lovano
Joe Lovano på Newport Jazz Festival i 2005.
Fødd	29. desember 1952 (71 år)
Fødestad	Cleveland
Opphav	USA
Sjanger	jazz, postbop
Instrument	saksofon, tenorsaksofon, clavinet
Plateselskap	Black Saint
Verka som	klarinettist, saksofonist, musikkpedagog, jazzmusikar, musikkprodusent, komponist, plateartist

I 1993, 2007 og 2010 (med McCoy Tyner) var Lovano på Kongsberg Jazzfestival.

Oppvekst

Lovano sin far var tenorsaksofonisten Tony «Big T» Lovano, og han lærde opp sonen. Etter highschool gjekk han på Berklee College of Music i Boston og hadde der Herb Pomeroy, Joe Viola, Andy McGee, John LaPorta Gary Burton som lærarar. Han samarbeidde med musikarar som John Scofield, Bill Frisell og Kenny Werner på denne tida. Han fekk ein Distinguished Alumni Award da han avslutta studiet i 1994 og i 1998 fekk han ein æresdoktortittel og i 2001 The Gary Burton Chair for Jazz Performance.

Etter Berklee spelte han inn sitt første album, Afrodesia, med Dr. Lonnie Smith, som introduserte han for New York City. Etter eit samrbeid med Jack McDuff var han med på jubileumsturneen til Woody Herman; høgdepunktet på den var The 40th Anniversary Concert i Carnegie Hall 1976, der Stan Getz, Frank Tiberi, Zoot Sims, Al Cohn, Jimmy Giuffre og Flip Phillips medverka.

Samarbeidet med Woody Herman varte i tre år, blant anna var dei på ein europaturné. Etterpå slo Lovano seg ned i New York der han byrja på eit samarbeid med songaren og dansaren Judi Silvano som han seinare gifta seg med. Saman med Mel Lewis Orchestra spelte han inn seks album fram til 1992. Etter det samarbeidde han blant andre med Elvin Jones, Carla Bley, Lee Konitz, Charlie Haden og Bob Brookmeyer. Frå 1981 har han og stått på scena med Paul Motian og Bill Frisell. Frå 1989 til 1993 var han medlem av John Scofields Quartett og spelte ellers med Gunther Schuller, Herbie Hancock, Elvin Jones, Charlie Haden, Carla Bley, Bobby Hutcherson, Dave Brubeck, Billy Higgins, Dave Holland, Ed Blackwell, Michel Petrucciani, Lee Konitz, Abbey Lincoln, Tom Harrell, McCoy Tyner, Jim Hall og Bob Brookmeyer.

I 1985 kom det første albumet der Lovano var bandleiar, Tones, Shapes and Colors og i 1991 det første albumet på Blue Note From The Soul. Så følgde Universal Language, Down Beat og i 1994 Tenor Legacy med Joshua Redman som blei nominert for Grammy. I Rush Hour (1995) spelte han ved sida av eigne komposisjonar stykke av Charles Mingus, Ornette Coleman, Thelonious Monk, Duke Ellington og Gunther Schuller, til dels med stor besetning.

Quartets at the Village Vanguard blei i 1996 Jazz Album of the Year i jazzmagasinet Down Beat og fekk i 1997 to Grammy-nominsringar. Òg Joe Lovano Celebrating Sinatra (1997) blei nominert for ein Grammy i året 1998. Med Gonzalo Rubalcaba spelte han inn Flying Colors i 1998. Så følgde Trio Fascination (1998 med Elvin Jones og Dave Holland, Friendly Fire (1999) med Greg Osby, 52nd Street Themes (2000), Flights of Fancy (2001), Viva Caruso (2002), On This Day...At The Vanguard (2003), I'm All For You (2004) og Joyous Encounter (2005).

Lovano er leiar av kvintetten Us Five med medlemmane Esperanza Spalding, James Weidman, Francisco Mella og Otis Brown. I 2009 spelte dei inn albumet Folk Art.

Diskografi

Som bandleiar

• Tones, Shapes and Colors (1985)
• Hometown Sessions (1986)
• Solid Steps (1986)
• Village Rhythms (1988)
• Worlds (1989)
• Landmarks (1990)
• Sounds of Joy (1991)
• From the Soul (1991)
• Universal Language (1992)
• Tenor Legacy (1993)
• Quartets: Live at the Village Vanguard (1994) med Tom Harrell og Mulgrew Miller
• Rush Hour (1994)
• Ten Tales (1994)
• Celebrating Sinatra (1996)
• Tenor Time (1997)
• Flying Colors (1997) med Gonzalo Rubalcaba
• Trio Fascination: Edition One (1998)
• Friendly Fire (1999) med Greg Osby
• 52nd Street Themes (2000)
• Flights of Fancy: Trio Fascination, Volume 2 (2001)
• Viva Caruso (2002)
• On This Day ... at the Vanguard (2003)
• I'm All for You (2004)
• Joyous Encounter (2005)
• Streams of Expression (2006)

Med Paul Motian og Bill Frisell

• Psalm med Ed Schuller og Billy Drewes (1982) ECM
• The Story of Maryam med Ed Schuller og Jim Pepper (1984) Soul Note
• Jack of Clubs med Ed Schuller og Jim Pepper (1985) Soul Note
• It Should've Happened a Long Time Ago (1985) trio
• Misterioso med Ed Schuller og Jim Pepper (1986) Soul Note
• One Time Out (1987) Soul Note
• Monk in Motian (1988) trio + guests JMT
• On Broadway Volume 1 (1989) JMT
• Bill Evans (1990) JMT
• On Broadway Volume 2 (1990) JMT
• Motian in Tokyo (1991) trio JMT
• On Broadway Volume 3 (1993) JMT
• Trioism (1993) trio + guest JMT
• Live at the Village Vanguard (1995) trio
• Sound of Love (1995) trio (live) Winter & Winter
• I Have the Room Above Her (2004) trio ECM
• Time and Time Again (2006) trio ECM

Samarbeid

• Unknown Voyage (1985) med Furio Di Castri
• Think Before You Think (1989) med Bill Stewart, Marc Cohen og Dave Holland
• Snide Remarks (1995) med Bill Stewart, Eddie Henderson, Bill Carrothers og Larry Grenadier
• Grand Slam (2000) med Jim Hall, George Mraz, og Lewis Nash
• Fourth World (2001) med James Emery, Judi Silvano, og Drew Gress
• ScoLoHoFo (2003) med John Scofield, Dave Holland, og Al Foster
• Gathering of Spirits (2004) med Michael Brecker og Dave Liebman
• Kids: Live at Dizzy's Club Coca-Cola (2007) med Hank Jones
• Quartet (2007) med McCoy Tyner, Christian McBride og Jeff «Tain» Watts
• Silverslide med Dan Silverman
• Masada Quintet: Stolas: The Book of Angels Volume 12 (2009) med John Zorn, Dave Douglas, Uri Caine, Greg Cohen og Joey Baron

Kjelde

• Denne artikkelen er basert på «Joe Lovano» frå Wikipedia på tysk, den 29. november 2011.

Bakgrunnsstoff

• (en) Lovano si heimeside
• (en) Streams of Expression Video Scrapbook Arkivert 2006-08-15 ved Wayback Machine.
• (en) Borgani saxophones - as played by J.Lovano
• (en) Joe Lovano at NPR Music