Kirkenes

Kirkenes (nordsamisk Girkonjárga, skoltesamisk K'eârggnjargg, finsk Kirkkoniemi) er ein by og administrasjonssenteret i Sør-Varanger kommune i Troms og Finnmark fylke. Byen ligg ved Bøkfjorden, om lag ei mil frå grensa til Russland. Han har rundt 3300 innbyggjarar (kjelde: SSB), ein del av dei russiske innflyttarar. Kirkenes fekk sin bystatus i 1998.

Kirkenes
By
MS «Trollfjord» til kai i Kirkenes. Februar 2010.
Land	Noreg
Fylke	Troms og Finnmark
Kommune	Sør-Varanger
Areal	2,14 km²
Folketal	3 566 (2017)
Folketettleik	1 666 / km²
Postnummer	9900 KIRKENES
Kirkenes 69°43′38″ N 30°2′42″ E
Wikimedia Commons: Kirkenes

Gågata i Kirkenes i februar 2005.

Barentssekretariatet, som har til oppgåve å skapa kulturelle, økonomiske og utdanningsmessige band i Barentsregionen, held til i Kirkenes. Ikkje langt frå byen ligg Garnisonen i Sør-Varanger.

Kirkenes er endepunkt for Europaveg 6, og vendepunkt for Hurtigruta.

Historie

Kirkenes var ein av dei mest utbomba byane under den andre verdskrigen, berre Malta skal ha vore hardare ramma. Etter 320 luftåtak og over tusen alarmar stod 13 hus att. Byen vart frigjord av Den raude arméen 25. oktober 1944.

I 2019 vart 75-års dagen for frigjeringa av Kirkenes feira med ein seremoni på torget. Til stades var mellom anna den russiske utanriksministeren Sergej Lavrov, statsminister Erna Solberg, utanriksminister Ine Eriksen Søreide og kong Harald.

Kulturinstitusjonar

• Grenselandmuseet
• Saviomuseet, som dreier seg om kunstnaren John Savio

Sjå òg

• Fangeleirane til okkupasjonsmakta i Noreg under andre verdskrigen

Bakgrunnsstoff

• Grenselandmuseet Arkivert 2007-07-28 ved Wayback Machine.
  Denne geografiartikkelen som har med Finnmark å gjere, er ei spire. Du kan hjelpe Nynorsk Wikipedia gjennom å utvide han.