Petter Northug
Denne artikkelen kan ha godt av ein språkvask |
Petter Northug jr. (fødd 6. januar 1986) er ein norsk langrennsløpar. Han vert trena av Thomas Alsgaard og går for skiklubben i Strindheim Idrettslag. Skimerket han nyttar er Fischer. Northug fekk det internasjonale gjennombrotet sitt i 2006 og har etter det utvikla seg til å verte ein av dei fremste mannlege langrennsløparane i verda. Den største meisterskapen hans til no er Ski-VM 2009, der han vann to individuelle gull og eitt stafettgull.
| Petter Northug | |
|
| |
| Statsborgarskap | Noreg |
| Fødd | 6. januar 1986 (38 år) Mosvik kommune |
| Idrett | langrenn |
| Tok del i | Vinter-OL 2014, Langrenn under Vinter-OL 2010 – 50 kilometer klassisk menn, Langrenn under Vinter-OL 2010 – 4 x 10 kilometer stafett menn, Langrenn under Vinter-OL 2010 – Sprint menn, Langrenn under Vinter-OL 2010 – Lagsprint menn, Ski-VM 2007, Ski-VM 2009, Ski-VM 2011, Ski-VM 2013, Ski-VM 2015, Ski-VM 2017 |
| Utmerkingar | Aftenpostens Gullmedalje, Olavstatuetten, Sportsjournalistenes statuett |
Petter Northug er kjend som ein av dei beste spurtarane i verda, og ved fleire høve har han demonstrert eit taktomslag og eit rykk som få skiløparar i verda greier å følgje han på. Spesialiteten hans må seiast å vere fellesstartar i fri teknikk. Han har til saman vunne fire VM-gull, der to av dei er individuelle. I tillegg står han med tre enkeltsigrar i verdscupen, per mars 2009.
Karriere
endreGjennombrot (2006)
endreNorthug vart i januar 2006 noregsmeister på 30 km dobbel jaktstart etter å ha slått Frode Estil i spurten. Dagen etter gjekk han ankeretappen for Strindheim IL på NM-stafetten. Igjen var han involvert i eit spurtoppgjer, og sikra gullet før Tore Ruud Hofstad frå Lillehammer. Trass i desse resultata fekk han ikkje plass i den norske troppen til OL i Torino.[1]
Under junior-VM i Kranj i Slovenia 1.–5. februar 2006, vann Northug alle dei tre individuelle øvingane (sprint, 10 km klassisk og dobbelt jaktstart), og var i tillegg med på det vinnande norske stafettlaget.
8. mars same år kunne han feire den fyrste sigeren sin i eit verdscuprenn, og vart samtidig den yngste mannlege vinnaren av eit verdscuprenn nokon gong. I Falun vann han dobbel jaktstart (10 km klassisk + 10 km fristil), etter å ha vunne ein spennande spurtstrid før tyskarane Tobias Angerer og Axel Teichmann.
Øvst i verdseliten (2007–2009)
endreDet fyrste VM-gullet som senior vann Northug som ankermann på stafetten då han spurtslo Russland og Sverige under Ski-VM 2007 i Sapporo.
Northug vart nummer fire i Tour de Ski 2006/07, og under Tour de Ski 2007/08 vann han sprinttrøya saman med Tor Arne Hetland. Han vart nummer åtte samanlagt og vann i tillegg sprinten i Asiago.
Grunna spurteigenskapane sine er Northug best i fellesstartar og stafettar. Men i det fyrste rennet i verdscupen i sesongen 2008/09 sette han ny personleg rekord i indivduell start med ein tredjeplass på 15 km fristil. Han avgjorde også stafetten i Gällivare, der han spurtslo mellom andre svenske Marcus Hellner og tyske Axel Teichmann, sjølv om han ødela trinsa på den eine staven rett før oppløpet. Northug imponerte også då han vann 30 km fristil fellesstart i La Clusaz ved å spurtslå sveitsiske Dario Cologna. Han gjekk igjen siste etappe for Noreg på stafetten dagen etter, og igjen vann han, denne gongen ved å dra frå i den siste bakken.
Ut frå samanlagtplasseringa i verdscupen var Northug ein av favorittane i Tour de Ski 2008/09, men det var mange renn i klassisk, noko som ikkje passa han så godt. Men han gjorde det betre i klassiskrenna enn forventa. Northug tok ein etappesiger og vart nummer to samanlagt, etter Dario Cologna.
Northug sleit med sjukdom etter Tour de Ski, og han stod over mange verdscuprenn for å verte frisk til VM i Liberec. Han opna meisterskapen godt og tok den fyrste individuelle VM-tittelen sin på 30 km dobbel jaktstart den 22. februar 2009 då han spurta frå svenske Anders Södergren og italienaren Giorgio Di Centa. Northug følgde opp med å spurtsigre over Axel Teichmann som ankermann på 4 x 10 km stafett 5 dagar seinare. Northug og Teichmann låg likt til rett før mål, då Northug rykte ifrå og til slutt kom han i mål 2,6 sekunder framfor tyskaren. På den siste dagen i VM, 1. mars 2009, vart han definitivt den store utøvaren i VM då han klarde å ta det tredje gullet sitt på 50 km fristil fellesstart, 0,7 sekunder framfor russiske Maksim Vylegzjanin og 2,0 sekunder framfor tyske Tobias Angerer. For dette vart han tildelt Aftenpostens Gullmedalje same året.
Olympiske lekar i Vancover 2010
endreLekane starta ikkje bra. 15 km fristil og 30 km fellesstart med skibytte blei to nederlag. Sprintene kom Northug godt ifrå. Ein bronsemedalje på den individuelle klassiske sprinten, og sitt fyrste olympiske gull på sprintstafetten saman med Øystein Pettersen. Så vart det tid for stafetten, og svenskane gjekk ifrå Noreg, endå Northug tok mykje inn på siste etappe. Northug og Noreg gjekk inn til ein sølvplass. Ols siste øving skulle vise seg å vere Northugs øvelse, og etter å ha knust Axel Theichmann i spurten, vann endeleg Northug gull. 50 kilometer klassisk stil. OL blei ein suksess med ein bronse, eit sølv og to gull medaljar.
Ein trøblete start
endreI starten av sessongen 2010/2011 vart Northug plaga av krimsjuke og liknande symptom, og var borte i frå sporten ein stund. Det blei nok ein gong ein annanplass i Tour de ski , bak sveitsaren Dario Cologna. Northug meinte at VM-forma var i anmasj, og det var den verkeleg. (skriv mer)
VM på heimebane
endreI Oslo var sprint den fyrste øvelsen på programmet. Marcus Hellner tok Gull, Northug sølv og Emil Jönsson Bronse. Så var det 15 km x 15 km fellesstart med skibytte, og Northug spurtet fra konkurentane. Nok ein gullmedalje til Northug. Seinare i mesterskapet tok han eit sølv og to gull til. Sølvet kom på sprintstafetten saman med Ola Vigen Hattestad, som tapa spurten mot Canada. Northug fekk både gull på stafett og 50 kilometeren.
" Meritter i Meisterskap"
- Gull på 50 km fellesstart under Ski-VM 2015
- Gull på 4 x 10 km stafett under Ski-VM 2015
- Gull på lagsprint under Ski-VM 2015
- Gull på sprint under Ski-VM 2015
- Gull på 4 x 10 km stafett under Ski-VM 2013
- Gull på 15 km fristil under Ski-VM 2013
- Gull på 50 km fellesstart under Ski-VM 2011
- Gull på 4 x 10 km stafett under Ski-VM 2011
- Gull på fellesstart med skibytte under Ski-VM 2011
- Gull på 50 km fellesstart under Vinter-OL 2010
- Gull på sprintstafett under Vinter-OL 2010
- Gull på 50 km fellesstart under Ski-VM 2009
- Gull på 4 × 10 km stafett under Ski-VM 2009
- Gull på 30 km jaktstart under Ski-VM 2009
- Gull på 4 × 10 km stafett under Ski-VM 2007
Verdscupen
- 14 sigrar*
- Oppdatert 3. januar 2012
Medaljar og besteplasseringar i noregsmeisterskap
endre- Ski-NM 2006: Gullmedalje på 30 km på Kongsberg
- Ski-NM 2007: Gullmedalje på 15 km i Meråker
- Ski-NM 2008: Bronsemedalje på både 15 km og 30 km i Trondheim
- Ski-NM 2009: Nr 61 på 30 km på Gjøvik
- Ski-NM 2010: Gullmedalje på 15 km i Stokke
- Ski-NM 2011: Gullmedalje på 50 km i Tromsø
- Ski-NM 2012: Nr 40 på 15 km på Voss
- Ski-NM 2013: Gullmedalje på 30 km på Vang
- Ski-NM 2014: Bronsemedalje på 30 km i Molde
- Ski-NM 2015: Gullmedalje på 30 km på Røros
- Ski-NM 2016: Gullmedalje på 30 km i Tromsø
- Ski-NM 2017: Nr 5 i sprint på Gran
Privat
endre4. mai 2014 kolliderte Northug nær heimen sin på Byåsen i Trondheim medan han var påverka av alkohol. Ein 23 år gammal medpassasjer braut kragebeinet. Northug drog frå staden, ulykkesstedet, men vart funnen av politiet heime.[2] 9. oktober 2014 vart Northug dømt til 50 dagars fengsel og 185 000 kroner i bot. Han vart også frådømt førarkortet på livstid. Dette betyr vanlegvis at det er mogleg å søka om å få førarkortet tilbake etter fem år.[3]
14. august 2020 gjorde Northug det kjent at han var vorten stoppa i fartskontroll av politiet kvelden før.[4][5] Ettersom det var mistanke om køyring i påverka tilstand, vart han tatt med til legevakta for blodprøve. Deretter ransaka politiet heimen hann og fann ein mindre mengd kokain. I ein pressekonferanse ei veke seinare innrømma Northug villmannskøyring og at han hadde eit rusproblem.[6][7][8]
Northug vart sikta for to brot på vegtrafikkloven og eit brot på § 231 av straffeloven for å ha oppbevart narkotika.[7] I ei pressemelding 2. september 2020 opplyste Øst politidistrikt at det ikkje vart påvist alkohol eller andre rusmiddel i blodproven til Northug, og at den delen av siktinga var fråfallen.[9]
Kjelder
endre- ↑ Kjetil Kroksæter (25.01.2006). «Ble nektet å kvalifisere seg». Adresseavisen.
- ↑ Mathias Bergquist (5. mai 2014). «Bytur, alkohol, fyllekjøring, krasj og ferden hjem». Dagbladet.
- ↑ Aksel Faanes Persson; Elisabeth Skarrud (9. oktober 2014). «Northug dømt til 50 dagers fengsel». NRK Trøndelag. Henta 15. august 2020.
- ↑ Aleksander Losnegård; Robert Gjerde (14. august 2020). «Politiet fant kokain hjemme hos Petter Northug: – Jeg har gjort en stor feil». Aftenposten. Henta 26. august 2020.
- ↑ Hanne Skjellum Mueller; Anders Skjerdingstad; Jørund Wessel Carlsen; Pål Marius Tingve (15. august 2020). «Politiet etter narkotikabeslag og råkjøring: – Northug har vært samarbeidsvillig». NRK Sport. Henta 15. august 2020.
- ↑ Anders Skjerdingstad; Mikal Emil Aaserud; Johannes Børstad; Hanne Skjellum Mueller; Sindre Murtnes; Jørund Wessel Carlsen; Sindre Vian; Magnus Helle (21. august 2020). «Innrømmer misbruk av alkohol, kokain og piller: – Har fornektet det og levd et annet liv». NRK Sport. Henta 26. august 2020.
- ↑ 7,0 7,1 Nils Christian Mangelrød; Jonathan Simchai Hansen; Christina Paulos Syversen; Sindre Øgar (21. august 2020). «Petter Northug: – Jeg har et alvorlig rusproblem». VG. Henta 26. august 2020.
- ↑ Bernhard Veland; Anne-Marit Dahl; Kurt B. M. Haugli (21. august 2020). «Northug erkjenner at han trenger hjelp: – Har fornektet det og levd et liv på siden». Aftenposten. Henta 26. august 2020.
- ↑ «Northug var ikke ruspåvirket da han ble stoppet av politiet – siktelse frafalt». ABC Nyheter. 2. september 2020. Henta 2. september 2020.
- Delar av denne artikkelen bygger på «Petter Northug» frå Wikipedia på bokmål, den 12. september 2020.