Power to All Our Friends

(Omdirigert frå Power To All Our Friends)
«Power to All Our Friends»
Singel av Cliff Richard
B-side

«Come Back Billie Jo»

Utgjeve April 1973
Innspelt 28. desember 1972, Abbey Road i London
Sjanger Pop
Lengd 3:02
Selskap EMI 2012
Komponist Guy Fletcher
Låtskrivar(ar) Guy Fletcher og Doug Flett
Produsent David McKay
Cliff Richard-kronologi 
«A Brand New Song»
(1972)
«Power to All Our Friends» «Days of Love»
(1973)


«Power to All Our Friends» (Makt til alle venene våre) er ein song av Cliff Richard. Songen var Storbritannia sitt bidrag til Eurovision Song Contest 1973, der han kom på tredjeplass. «Power to All Our Friends» vart komponert av Guy Fletcher og Doug Flett, mens David McKay produserte han. Sjølv om låten ikkje vann Eurovision, vart han ein stor hit i Europa etter tevlinga. I Noreg toppa han VG-lista i heile åtte veker på rad.[1]

«Power to All Our Friends»
Eurovision Song Contest 1973
Land Storbritannia
Artist(ar) Cliff Richard
Språk Engelsk
Resultat
Finalepoeng 123
Finaleplass 3
Storbritannia i Eurovision Song Contest
«Beg, Steal or Borrow»
(1972)
«Power to All Our Friends» «Long Live Love»
(1974)

Eurovision Song Contest endre

Cliff Richard hadde tidlegare delteke i Eurovision Song Contest i 1968, då med Eurovision-klassikaren «Congratulations». Han kom då på andreplass, berre eitt poeng bak spanske Massiel og «La, la, la». Trass i andreplassen fekk Richard ein enorm salssuksess i heile Europa, og i Noreg toppa songen VG-lista i heile ni veker.[2]

I 1973 fekk BBC Cliff Richard til å stille opp for Storbritannia i Eurovision Song Contest på nytt. Han presenterte seks songar i den britiske nasjonale finalen A Song For Europe laurdag 24. februar 1973. Tv-sjåarane avgjorde vinnarlåten ved å sende inn postkort, og den suverene vinnaren vart «Power to All Our Friends» med over 125 000 røyster. På andreplass kom «Come Back Billie Jo», som vart teken med som B-side på singelen.[3]

«Power to All Our Friends» vart dimed det britiske bidraget til Eurovision Song Contest i Luxembourg laurdag 7. april 1973. I finalen var Storbritannia det 15. landet ut på scena av 17 deltakarar. I avrøystinga låg Storbritannia lenge i føringa, med Spania og Luxembourg like bak. Til slutt enda «Power to All Our Friends» på tredjeplass med 123 poeng, «Eres tú» frå Spania vart nummer to med 125 poeng, mens «Tu te reconnaîtras» frå Luxembourg vann med 129 poeng. Dette var altså andre gongen det spanske bidraget slo Cliff Richard sitt bidrag i Eurovision Song Contest.

Kommersiell suksess endre

Trass i tredjeplassen fekk «Power to All Our Friends» ein stor kommersiell suksess, og i Noreg vart den langt meir populær enn vinnaren. Låten gjekk rett inn på ein andreplass på VG-lista og gjekk til topps veka etter. Der vart songen liggjande heile åtte veker på rad. Dette er framleis ein av dei største Eurovision-suksessane i Noreg, målt ut frå antall fyrsteplassar på VG-lista.[1] «Power to All Our Friends» toppa også listene i Danmark, Sverige og Nederland, og han nådde ein fjerdeplass heime i Storbritannia.

Listeplasseringar endre

Liste (1973) Høgaste
plassering
  Danmark[4] 1
  Hongkong[5][6] 1
  Malaysia[6] 1
  Nederland[4][7][8] 1
  Noreg[1][9][10] 1
  Sverige[7][11] 1
  Belgia, Flandern[7][12] 2
  Finland[5][13] 2
  Irland[14] 2
  Sveits[4][7][8][11] 3
  Vest-Tyskland[5][8][10][11][15] 4
  Storbritannia[16] 4
  Jugoslavia[7] 4
  Frankrike 5
  Austerrike[8] 7
  Singapore[7][17] 10
  New Zealand[18] 11
  Spania[19] 15
  Australia[20] 31
  USA 109

Kjelder endre

  1. 1,0 1,1 1,2 «VG-lista for 'Power to All Our Friends'». VG Nett. Arkivert frå originalen 5. mars 2017. Henta 4. mars 2017. 
  2. «VG-lista for 'Congratulations'». VG Nett. Henta 5. mars 2017. 
  3. «UK National Final 1973». National Finals Pages. Henta 5. mars 2017. 
  4. 4,0 4,1 4,2 Nielsen Business Media, Inc. (9. juni 1973). Billboard. Nielsen Business Media, Inc. s. 53–. ISSN 0006-2510. 
  5. 5,0 5,1 5,2 Nielsen Business Media, Inc. (30. juni 1973). Billboard. Nielsen Business Media, Inc. s. 57–. ISSN 0006-2510. 
  6. 6,0 6,1 Nielsen Business Media, Inc. (7. juli 1973). Billboard. Nielsen Business Media, Inc. s. 45–. ISSN 0006-2510. 
  7. 7,0 7,1 7,2 7,3 7,4 7,5 Nielsen Business Media, Inc. (2. juni 1973). Billboard. Nielsen Business Media, Inc. s. 69–. ISSN 0006-2510. 
  8. 8,0 8,1 8,2 8,3 «'Power to All Our Friends' på diverse singellister». dutchcharts.nl. Henta 5. mars 2017. 
  9. Nielsen Business Media, Inc. (12. mai 1973). Billboard. Nielsen Business Media, Inc. s. 50–. ISSN 0006-2510. 
  10. 10,0 10,1 Nielsen Business Media, Inc. (23. juni 1973). Billboard. Nielsen Business Media, Inc. s. 75–. ISSN 0006-2510. 
  11. 11,0 11,1 11,2 Nielsen Business Media, Inc. (16. juni 1973). Billboard. Nielsen Business Media, Inc. s. 83–. ISSN 0006-2510. 
  12. «Cliff Richard's Belgium singles-positions». ultratop.be. Henta 16. april 2013. 
  13. Lassila, Juha (1990). Mitä Suomi soittaa?: Hittilistat 1954-87 (på finsk). Jyväskylän yliopisto. ISBN 95-168-0321-0. 
  14. «Search for Cliff Richard's Ireland's positions». Irishcharts.ie. Henta 24. mars 2010. 
  15. Nielsen Business Media, Inc. (29. september 1973). Billboard. Nielsen Business Media, Inc. s. 1–. ISSN 0006-2510. 
  16. «Cliff Richard's UK positions». Official Charts Company. Henta 3. januar 2014. 
  17. Nielsen Business Media, Inc. (26. mai 1973). Billboard. Nielsen Business Media, Inc. s. 60–. ISSN 0006-2510. 
  18. «Cliff Richard's Chart History in New Zealand». Hung Medien. Arkivert frå originalen 8. april 2016. Henta 7. november 2011. 
  19. «Listas de superventas: 1973». Listas de superventas. Arkivert frå originalen 12. februar 2010. Henta 5. mars 2017. 
  20. Kent, David (1993). Australian Chart Book 1970–1992. Australian Chart Book, St Ives, N.S.W. ISBN 0-646-11917-6. 
Føregangar
«Jeg og du og vi to»
Wencke Myhre
Toppen av VG-lista
Cliff Richard

8 veker, veke 17 1973–24, 1973
Etterfylgjar
«Tie A Yellow Ribbon Round The Ole Oak Tree»
Dawn