Storbritannia i Eurovision Song Contest
Storbritannia debuterte i Eurovision Song Contest i 1957, stod over året etter og har delteke kvart einaste år sidan 1959. Med det er Storbritannia det landet med den lengste samanhengande deltakinga i tevlinga. Storbritannia er ein av dei fem store – ei gruppe på fem land som er automatisk kvalifisert til finalen på grunn av sine store økonomiske bidrag til tevlinga.[1] Fram til år 2000 var Storbritannia det beste landet i tevlinga med fem sigrar og heile femten andreplassar og tre tredjeplassar. Sidan har landet gjort det langt svakere i Eurovision Song Contest, blant anna med fem sisteplassar, av desse to sisteplassar utan poeng.[2]
| |||||
|---|---|---|---|---|---|
 | |||||
| Offisielt | Storbritannia | ||||
|
|||||
| Uttakingar | |||||
| Deltaking | |||||
| Debutår | 1957 | ||||
| Deltakingar | 63 | ||||
| Beste resultat | |||||
| Finalen | 1 (1967, 1969, 1986, 1981 og 1997) | ||||
| Verste resultat | |||||
| Finalen | Sist (2003, 2008, 2010, 2019 og 2021) | ||||
| Poeng | |||||
| Finalane | 4 081 | ||||
| Totalt | 4 081 | ||||
Historikk endre
Det er British Broadcasting Corporation (BBC) som har ansvaret for å velje artist og song til å representere Storbritannia i Eurovision Song Contest, og fram til 2010 arrangerte BBC ei nasjonal tevling, lik norske Melodi Grand Prix, for å velje det britiske bidraget til Eurovision Song Contest. I åra 2010-15, valde den britiske kringkastaren bidraga internt, men i 2016 returnerte den nasjonale utveljinga under namnet Eurovision: You Decide.
Historia vil ha det til at Storbritannia skulle deltake i den fyrste utgåva av Eurovision Song Contest i 1956, men at BBC miste tidsfristen.[3] Men BBC hadde ingen planar om å deltake i 1956, og utvikla i staden si eiga songtevling, Festival Of British Popular Songs.[4][5] Året etter debuterte Storbritannia i Eurovision Song Contest og vart nummer 7 av 10 med songen «All».
Året etter stod Storbritannia over tevlinga i 1958, men har delteke kvart år sidan. I 1959 kom Storbritannia på ein andreplass med «Sing, Little Birdie» og innleia med det ein førti år lang gullalder i landets Eurovision-historie. Berre to gongar i desse førti åra hamna Storbritannia utanfor topp ti – ein ellevteplass i 1978 og ein trettandeplass i 1987. Den beste perioden varte frå 1967 til 1978, då Storbritannia innkasserte heile tre sigrar og fem andreplassar. Dei «dårlegaste» plasseringane var fjerdeplassane i 1971 og 1974.[2]
Ein evig toar endre
_tijdens_optre,_Bestanddeelnr_928-5011.jpg)
Heile femten gongar har Storbritannia komme på andreplass, og ved to tilfelle – i 1968 og 1988 – var britane også berre eitt poeng unna sigeren. Ingen andre land er i nærleiken av å ha så mange sylvplasseringar som britane.
Storbritannia har også vunne Eurovision Song Contest fem gongar: 1967, 1969, 1976, 1981 og 1997. Berre Sverige og Irland har vunne fleire gongar. Men Storbritannia har likevel arrangert Eurovision Song Contest heile åtte gongar, meir enn noko anna land. BBC tredde nemlig inn som vert i 1960, 1963, 1972 og 1974 etter at dei eigentlege vertslanda måtte si frå seg oppgåva på grunn av økonomi.[6][7]
Skiftet etter 2000 endre
Lenge var Storbritannia saman med Irland og Malta, dei einaste landa som fekk syngje på engelsk i Eurovision Song Contest. I 1999 vart språkregelen fjerna, og dei fleste land har etter kvart gått over til å syngje på engelsk. I takt med dette vart resultata til Storbritannia stadig svakare, landet ble nummer 16 i 2000 og nummer 15 året etter. I 2003 kom Storbritannia for fyrste gong helt sist i tevlinga, og det utan poeng. Resultatet vart møtt med vantru i Storbritannia, og den legendariske kommentatoren i BBC, Terry Wogan, meinte resultatet var ein europeisk straff for den britiske deltakinga i Irak-krigen.[8] Fire nye sisteplassar følgde i 2008, 2010, 2019 og 2021 – og sidan 2000 har Storbritannia nådd topp ti berre to gongar. I 2021 fekk ikkje Storbritannia poeng fra verken juryane eller sjåarane, og dei ende heilt sist utan poeng.[9][10] Resultatet fekk den engelske toppolitikaren Nigel Farage til å krevje at landet måtte trekkje seg frå Eurovision Song Contest.[11] Han har tidlegare meint at Storbritannia vert diskriminert i tevlinga.[12]
Fast finalist endre
I 2000 innførte Den europeiske kringkastingsunionen eo ordning som sikra dei fire største økonomiske bidragsytarane direkte plass i finalen. Dei fire landa var Storbritannia, Tyskland, Frankrike og Spania, og gruppa vart kalla Dei fire store. I 2011 kom Italia tilbake i Eurovision Song Contest, og gruppa vart utvida til de fem store. Storbritannia har dimed aldri delteke i ein semifinale i Eurovision Song Contest.[1]
Bidraga endre
Galleri endre
-
Ronnie Carroll i Luxembourg by i 1962. -
-
-
Brotherhood of Man, vinnar av Eurovision Song Contest i 1976. -
-
Scooch i Helsingfors i 2007. -
-
-
-
-
-
-
-
-
.jpg)
Røystehistorikk endre
|
|
Eurovision Song Contest i Storbritannia endre
Sjå òg endre
Referansar endre
- ↑ 1,0 1,1 Victor M. Escudero (23. september 2015). «'Big Five' and host country more prominently in the Semi-Finals». Den europeiske kringkastingsunion. Henta 1. desember 2016.
- ↑ 2,0 2,1 «United Kingdom – Eurovision Song Contest». Den europeiske kringkastingsunion. Henta 1. desember 2016.
- ↑ «Eurovision Song Contest 1956». Den europeiske kringkastingsunion. Henta 1. desember 2016.
- ↑ Paul Jordan og Gordon Roxburgh (11. januar 2017). «Shining a light on the United Kingdom: 60 Years at Eurovision». eurovision.tv. Henta 12. januar 2017.
- ↑ «The Early Years 1956 & 1957». songs4europe.com. Arkivert frå originalen 16. januar 2017. Henta 12. januar 2017.
- ↑ «Eurovision Song Contest 1972». Den europeiske kringkastingsunion. Henta 1. desember 2016.
- ↑ «Eurovision Song Contest 1974». Den europeiske kringkastingsunion. Henta 1. desember 2016.
- ↑ Begley, Charles (25. mai 2003). «UK humiliated in Eurovision 'post-Iraq backlash'». The Independent.
- ↑ «Nul points again: how exactly can the UK win Eurovision?». the Guardian (på engelsk). 23. mai 2021. Henta 24. mai 2021.
- ↑ Rhys, Steffan (22. mai 2021). «UK comes last in Eurovision with 0 points». WalesOnline (på engelsk). Henta 24. mai 2021.
- ↑ Ekker, Bjørn (23. mai 2021). «Krever oppvask etter Eurovision-fiasko». dagbladet.no (på norsk). Henta 24. mai 2021.
- ↑ «Nigel Farage blasts Eurovision 'prejudice' against UK». BBC News (på engelsk). 9. mai 2014. Henta 24. mai 2021.
Kjelder endre
- Den offisielle nettsida til Eurovision Song Contest
- Storbritannia i Eurovision Song Contest
- Denne artikkelen er basert på ei omsetjing av artikkelen «Storbritannia i ESC» frå Wikipedia på bokmål, den 5. juni 2021.