Sønnstaulen

Springaren Sønnstaulen finst først og fremst i Telemark, der han er knytt til den eldste tradisjonen i Tinn. Namnet på slåtten er etter spelemannen Knut Sønnstaul, son av Brynjulv Olsson, første spelemann i området. Knut var bestefar til Knut Dale. Slåtten er og kalla Kjosen, noko som tyder på at han og finst i tradisjon etter Jon Kjos. Han ber dette namnet i Seljord. Nærliggjande former av slåtten finst i Hallingdal, der han oftast er kalla Kåte-Reiar eller Vissebrøten. Dette er ein gamal Tvibeitslått som har vore kjend i fleire område. Namnet Kåte-Reiar knyt slåtten til Sigdal med.

Variantgruppa

Hovudgruppa har nr 475 i hardingfeleverket. Tre variantar står under nr 420.

420:

• a: Springar, etter Johan Kleven, Krødsherad. Truls Ørpen 494. Kleven hadde slåtten frå far sin, Gamle-Kleven.

• b: Springar, etter Nils Brakvatn. Arne Bjørndal 1541. Brakvatn hadde slåtten frå Jon Rivenes, Haus, som truleg hadde slåtten frå Ola Tunes.

• c: Springar frå Nes, etter Odd Bakkerud, Nesbyen. Nedskrift Eivind Groven 1958 (G 1108). Slåtten er og kalla Vissebrøten eller Kåte-Reiar.

475:

• a: Sønnstaulen, etter Steingrim Haukjem, Veggli. Nedskrift Truls Ørpen 1921 (Ø 89).

• b: Sønnstaulen, etter Johannes Dale, Tinn. Nedskrift Eivind Groven 1961 (G 1270. NRK magn. 1984).

• c: Flatland-Sønnstaulen, etter Torkjell Haugerud, Bø i Telemark. Nedskrift Eivind Groven 1961 (G 1382, NRK magn. 53259). Slåtten finst og hjå Gregar Nordbø. Namnet peikar mot at Halvor Flatland har vore kjelda.

• d: Kjosen, etter Harald Manheim, Seljord. Nedskrift Arne Bjørndal 1911 (B 157).

• e: Sønnstaulen, etter Anders S. Kjerland, Granvin. Nedskrift Sven Nyhus 1975. Kjerland lærte slåtten av Halldor Meland, som forma han ut slik.

.