Storsjøen i Odal
Storsjøen er ein innsjø i Innlandet fylke og høyrer til Glommavassdraget. Kommunane Sør-Odal og Nord-Odal deler omtrent kvar sin halvpart av sjøen. Dei fleste av innbyggjarane i Nord-Odal kommune bur i jordbruksområda rundt Storsjøen. Innsjøen er Nord-Odal sitt mest kjente landskapstrekk.
| Storsjøen | |||
| innsjø | |||
 Storsjøen ved Sand i Nord-Odal
| |||
| Land |  Noreg
| ||
|---|---|---|---|
| Fylke | Innlandet | ||
| Kommunar | Nord-Odal, Sør-Odal | ||
| Høgd over havet | 132 moh. | ||
| Areal | 45,61 km² | ||
| Største djupn | 17 m | ||
| Kystlengd1 | 105,45 km | ||
| Koordinatar | 60°22′21″N 11°37′30″E / 60.37250°N 11.62500°E | ||
 Storsjøen i Odal 60°22′21″N 11°37′30″E / 60.3725°N 11.625°E | |||
| Wikimedia Commons: Storsjøen (Odalen) | |||
| 1 Kystlengd er eit unøyaktig mål som kanskje ikkje er standardisert for denne artikkelen. | |||
Innsjøen er eit reisemål for tyske campingturistar.
Geologi
endreBerggrunnen nord for Storsjøen er dominert av Odalsgranitten som vart danna i prekambriumtidA og høyrer til det transskandinaviske intrusivbeltet (TIB).[1]
Båtliv
endreFør vegnettet rundt Storsjøen vart utbygd, var Storsjøen ei viktig ferdselsveg mellom Nord-Odal og Skarnes. I byrjinga av førre hundreår var det to båtar som frakta personar og varer: «Odølingen» og MS «Storsjø».
Det er mogeleg å dra med fritidsbåt frå Storsjøen til Glåma og vidare opp til Kongsvinger kraftverk og ned til Funnefoss kraftverk. Dersom det var sluser i demninga ved Funnefoss kunne båtane dra uhindra gjennom Svanfoss sluser til Mjøsa og Lillehammer. Med sluser ved Bingsfoss og Rånåsfoss ville båtane kunne dra til Øyeren og Trøgstad.
Det er om lag 500 fritidsbåtar på dei 4 bryggene som båtforeningene Sand Båtfoening, Mo Båtforening, Austvatn Båtforening og Sør-Odal Båtforening har. I tillegg anslagsvis 100 mindre private bryggeanlegg.
Storsjøen er ein grunn sjø, tildels berre 2-3 meter djup. Dette gjer at dei store fritidsbåtane uteblir.
Øyar og holmar
endre
Det er ei rekke mindre øyar og holmar på Storsjøen:
- Rovøya, 81 112 m²
- Engelholmen 37 216 m².
- Ramsholmen 27 803 m²
- Svartholmen, 20 147 m²
- Ørderholmen 11 276 m².
- Svennebyholmen, 6 381 m².
- Vesle Svarten 4 564 m², er ei lita øy som inneheld ei koie, som er open for alle. Nokre dugnadsvillige fritidsbåteigarar har pussa opp koia, og øya har òg flytebrygge.
- Kjellingholmen, 4 195 m².
- Bratten 1 226 m².
- Frierholmen, 617 m², liten holme som fekk fastmerke i 1972.
- Fleskholmen, 481 m².
Fiske
endreFølgjande fiskeartar finst i Storsjøen:
aure
brasme
elveniøye
gjedde
gullbust
harr
hork
krøkle
lake
laue
mort
nipigga stingsild
sik
steinsmett
vederbuk
ørekyte
åbor
Storsjøen er kjend for Gjeddefestivalen på Storsjøen[2], som vert halde i juni kvart år.
Kjelder
endre- Denne artikkelen bygger på «Storsjøen i Nord-Odal» frå Wikipedia på bokmål, den 17. april 2008.
- Wikipedia på bokmål oppgav desse kjeldene:
- ↑ Ø. Nordgulen og A. Andresen: De eldste bergarter dannes; 4600-850 millionar år. I I. Ramberg, I. Bryhni og A. Nøttvedt (red.): Norges geologi. Norsk Geologisk Forening. 2006.
- ↑ Gjeddefestivalen: http://www.odalnett.com/nff/default.asp?cat=22&menuID=22 Arkivert 2008-10-24 ved Wayback Machine.
Bakgrunnsstoff
endre- Offisiell side Arkivert 2017-05-16 ved Wayback Machine.