Tokke kommune

«Tokke» omdirigerer hit. For andre tydingar av ordet, sjå Tokke (fleirtyding).

Tokke kommune er ein kommune i Vestfold og Telemark fylke. Tokke ligg i enden av Telemarkskanalen, vest i Telemark, og grensar til kommunane Vinje, Kvitseid, Seljord, Fyresdal, Valle og Bykle.

Tokke kommune
kommune
Kommunevåpen
Land	Noreg
Fylke	Vestfold og Telemark
Adm.senter	Dalen
Areal	984 km²
- land	907 km²
- vatn	77 km²
Folketal	2 198 (1. januar 2023)
Målform	nynorsk
Ordførar	Jarand Felland (Sp)
Kommunenr.	3824
Tokke 59°25′2″ N 7°58′43″ E
Wikimedia Commons: Tokke
Nettstad: www.tokke.kommune.no

Bygda er frå gammalt av eit bjørneområde, og derfor har kommunevåpenet bilete av ein bjørn.

Geografi

Mesteparten av kommunen er fjell. Høgaste punktet i kommunen er Kvannfjell på 1 537 moh. Elva Tokke renn mellom Åmot i Vinje og innsjøen Bandak i Tokke. Andre vatn i kommunen er Borsæ, Botnedalsvatn, Byrtevatn, Folurdvatnet og Skredvatn.

I Eidsborg ligg Vest-Telemark museum der ein mellom anna finn Eidsborg stavkyrkje.

Historie og økonomi

Tokke har lange tradisjonar med eksport av brynestein heilt tilbake til vikingtida.

Det har vore gruvedrift i området sidan 1540, og ho gjekk føre seg i over 400 år. Koparmalmleia på Åmdals Verk vart funnen i 1689, og verket var i drift fram til 1945.

Kommunen har og store vasskraftressursar.

Kjende personar frå Tokke kommune

• Anne Grimdalen (1899-1961), bilethoggar
• Eivind Groven (1901-1977), musikar og komponist
• Arvid Torgeir Lie (1938–2020), diktar

Verd å vitja

• Dalen Hotell
• Åmdals Verk
• Høydalsmo
• Hallbjønnsekken
• Telemarkskanalen

Bakgrunnsstoff

• Tokke kommune
• Historiske arkiv etter nåverande Tokke kommune på Arkivportalen
• Historiske arkiv etter tidlegare Lårdal kommune på Arkivportalen
• Historiske arkiv etter tidlegare Mo kommune på Arkivportalen