Arne

Arne er eit mannsnamn av norrønt Arni, som tyder 'ørn'.

Ei norsk målføreform med røter frå sørvestlandet er Ådne, medan Arn kan vere ei kortform av Arne eller av Arnt.

Bruken av namnet i Noreg

Arne var blant dei mest populære døypenamna i Noreg i perioden frå rundt 1890 til 1960, med ein topp i 1920-talet. Arne var det mest populære døypenamnet på gutar i Noreg i alle år frå 1911 til 1935.

I folketeljinga frå 1801 var 2500 listeført med dette namnet, nær 200 med namnet Ådne og nesten like mange med namnet Ar(e)n.
I 1900 var det 6600 heitte Arne, 8 som heitte Ådne og 30 som heitte Arn.
I 2007 har nær 29 500 Arne som første fornamn, vel 850 heiter Ådne og 36 heiter Arn.

Kjende namneberarar

Arne Garborg (døypt Aadne) (1851-1924), forfattar
Arne Bang-Hansen (1911-1990), skodespelar
Arne Arnardo (1912-1995), sirkusdirektør
Arne Næss (1912-2009), filosof
Arne Skouen (1913-2003), filmregissør
Arne Hestenes (1920-95), journalist
Arne Domnérus (1924- ), svensk musikar
Arne Bendiksen (1926-2009), musikar
Arne Haukvik (1926-2002), politikar (Senterpartiet)
Arne Bakker (1930-2009), fotballspelar
Arne Husveg (1933-2004), tidlegare formann i Norges Blindeforbund
Arne Haugestad (1935-), høgsterettsadvokat
Arne Olav Brundtland (1936-), forskar gift med Gro
Arne Næss jr. (1937-2004), fjellklatrar og forretningsmann
Arne Kjell Larsen (1937-), kombinertløpar
Arne Treholt (1942-), spiondømd politikar
Arne Scheie (1944-), sportsjournalist
Arne Lindtner Næss (1944-), skodespelar
Arne Sigve Klungland (1950-2004), politimann
Arne Brimi (1957-), kokk
Arne Johannessen (1958-), politimann og fagforeningsleiar
Arne Borgstrøm (1959-), norsk symjar
Arne Hjeltnes (1963-), programleiar i fjernsyn, næringslivsleiar
Arne Svingen (1967-), forfattar

Kjelder

Olav Veka: Namneboka, Det Norske Samlaget 1991

Bakgrunnsstoff

Søk etter norsk namnestatistikk for Arne hjå Statistisk Sentralbyrå
Folketeljingar i Digitalarkivet