Danny Thompson

Daniel Henry Edward «Danny» Thompson (fødd 4. april 1939) er ein eneglsk multi-instrumentalist, men mest kjend som kontrabassist. Han har hatt ei lang musikalsk karriere for mange andre musikarar, særleg Richard Thompson (ingen slektskap) og John Martyn, men òg artistar som Roy Orbison, Julie Felix, Freddie and the Dreamers, Tubby Hayes, Ronnie Scott, Tom Paxton, Donovan, Vivian Stanshall, David Sylvian, Kate Bush, Mary Hopkin, Loreena McKennitt, Tim Buckley og Davey Graham. I fem år var han medlem av Alexis Korner's Blues Incorporated og han var med å starte det britiske folkrockbandet Pentangle. Sidan 1987 har han spelt inn fire soloalbum. Han konverterte til islam i 1990.

Danny Thompson
Thompson spelar for Martin Simpson i 2008 Folk by the Oak Festival Foto: David Laws
Fødd	4. april 1939
Fødestad	Teignmouth i Devon i England
Fødenamn	Daniel Henry Edward Thompson
Opphav	Storbritannia
Sjanger	skiffle, folkrock, jazz
Instrument	Kontrabass, gitar, mandolin, trompet, trombone
Kjende instrument	«Victoria», ein kontrabass bygd i 1865
Tilknytte artistar	Pentangle, Alexis Korner's Blues Incorporated,
Plateselskap	Island Records
Verka som	Musikar, låtskrivar, plateprodusent

Biografi og karriere

Far til Thompson var ein gruvearbeider som døydde under den andre verdskrigen i Royal Navy. Då Thompson var seks år flytte familien til London og han voks opp i arbeidarstrøket i Battersea. På skulen var han flink i fotball og spelte på juniorlaget til Chelsea. Medan han var på skulen lærte han å spele gitar, mandolin, trompet og trombone, før han slo seg ned med kontrabass som hovudinstrumentet sitt.

Sjølv om han har gjeve ut eigne album, er dei mest profilserte innspelingane hans med Richard Thompson som Mirror Blue, The Old Kit Bag, og konsert-DVDen Richard Thompson Live in Austin Texas, frå Austin City Limits.

Som mange musikarar har Danny Thompson tidvis drive med stoffmisbruk. Då han spelte med John Martyn, vart drikkinga deira og den overdrivne oppførselen deira legendarisk. I følgje Martyn vakna han opp etter å ha slokna på eit golv på eit hotellrom, under eit teppe som Thompson hadde spikra fast. Berre hovudet til Martyn stakk ut. Ein anerkjend biografi om Thompson vart skriven av John Hillarby.

Danny Thompson levde ei tid i Clopton i Suffolk mot slutten av 1970-åra og byrjinga av 1980-åra med kona Daphne og sonen Dan (Danny Junior som seinare vart trommeslagar i Hawkwind) Han levde som ei rockestjerne med eit landgods og ein Bentley, og etter kvart eit platestudio. Tidleg i 1980-åra flytte han attende til London.

Delvis diskografi

Alexis Korner's Blues Incorporated

• Red Hot From Alex (1964)
• Live at the Cavern (1964)
• Sky High (1966)
• Blues Incorporated (1967 - nyutgjeving av Sky High)
• I Wonder Who (1967)
• 'A New Generation of Blues (1968)

Pentangle

• The Pentangle (1968)
• Sweet Child (1968)
• Basket of Light (1969)
• Cruel Sister (1970)
• Reflection (1971)
• Solomon's Seal (1972)
• Open the Door (1985)

Danny Thompson

• Whatever (1987)
• Whatever Next (1989)
• Elemental (1990)
• Whatever’s Best (1995)
• Danny Thompson & Peter Knight (1995)

Richard Thompson og Danny Thompson

• Live At Crawley (1995)
• Industry (1997)

Andre

Danny Thompson har spelt på mange album og singlar opp gjennom åra. Her er eit lite utval:

• Vic Abram: The Folk Singer (1980)
• Richard Barbieri: Stranger Inside (2008)
• The Blind Boys of Alabama: Spirit of the Century (2001)
• Tim Buckley: Dream Letter: Live in London (1968)
• Kate Bush: The Dreaming (1982); Hounds of Love (1985)
• Christine Collister: The Dark Gift Of Time (1998); An Equal Love (2001)
• Graham Coxon: The Spinning Top (2009)
• Barbara Dickson: Don’t Think Twice (1992); Dark End of The Street (1995)
• Donovan: There Is a Mountain (single) (1967)
• Nick Drake: Five Leaves Left (1969)
• Marvin Etzioni: Marvin The Mandolin Man (1992)
• Everything But The Girl: Amplified Heart (1994)
• Marianne Faithfull: North Country Maid (1966); The World of Marianne Faithfull (1970)
• Peter Gabriel: Up (2002)
• Davey Graham: Folk Blues & Beyond (1965); Large As Life & Twice As Natural (1968); Hat (1969); Fire In The Soul (1999)
• Boo Hewerdine: Baptist Hospital (1995)
• Mary Hopkin: Earth Song / Ocean Song (1971); Live at The Royal Festival Hall 1972 (2005)
• Hunter Muskett: Every Time You Move (1970)
• The Incredible String Band: The 5000 Spirits (1967); Hard Rope & Silken Twine (1973)
• Bert Jansch: Birthday Blues (1969); Moonshine (1972); L.A. Turnaround (1974); Avocet (1979); Sketches (1990)
• John Martyn: Bless the Weather (1972); Solid Air (1973); Inside Out (1973); Sunday's Child (1975); Live At Leeds (1975); One World (1977); On the Cobbles (2004)
• John & Beverley Martyn: The Road To Ruin (1970)
• Loreena McKennitt: Book of Secrets (1997)
• Ralph McTell: Easy (1974)
• Alison Moyet: Hoodoo (1991)
• Deva Premal: Dakshina (2005)
• Cliff Richard: Congratulations (1968)
• Darrell Scott: Theater of the Unheard (2003)
• Songhai. Samarbeid med flamencogruppa Ketama og Kora-spelaren Toumani Diabate: Songhai (1988); Songhai 2 (1994)
• Rod Stewart: Every Picture Tells a Story (1971)
• David Sylvian: Brilliant Trees (1984)
• Talk Talk: The Colour of Spring (1986); Spirit of Eden (1988)
• Richard Thompson: Amnesia (1988); Mirror Blue (1994); Live At Crawley (1995); You? me? us? (1996); Two Letter Words (1996); Celtschmerz (1998); Mock Tudor (1999); Semi-detached Mock Tudor] (2002); The Old Kit Bag (2003); Ducknapped (2003); [Live From Austin (2005); [Sweet Warrior] (2007)
• Thunderbirds: (kjenningsmelodi) (1964)
• Kathryn Tickell: Common Ground (1988)
• T Rex: Light of Love (1974); Zinc Alloy & The Hidden Riders (1974)
• Loudon Wainwright III: I’m Alright (1985); More Love Songs (1986); Therapy (1989)
• Dawud Wharnsby: Vacuous Waxing (2004)

Kjelder

• Denne artikkelen bygger på «Danny Thompson» frå Wikipedia på engelsk, den 4. februar 2011.
  • Wikipedia på engelsk oppgav desse kjeldene:

Bakgrunnsstoff

• Offisiell nettstad
• Danny Thompson på My Space