Kjell

Kjell er eit gammalt nordisk namn. Det byrja å bli mykje brukt på 1600-talet då det tok over frå den eldre namneforma Kættil eller Kettil, som òg var forløparar for namnet Kjetil. Namnet har samanheng med ordet kjele, truleg med tydinga 'offerkjele' eller 'hjelm'.

Kjell er eit vanleg norsk namn, og i 2009 var det 30 427 som hadde dette som fornamn. Namnet var mykje brukt på 1940- og 50-talet, men bruken er seinare blitt sjeldan blant nyfødde gutar.

Kjell har norsk namnedag den 11. juli og svensk den 8. juli.

Variantar og samansetjingar

Namnet Kjell finst i mange samansetjingar, som Kjell Elvis.

Foto: Jarle Vines

Kvinnelege former av namnet er Kjella, Kjelline og Kjellina.

Ein finn også namnet Kjell i mange namnesamansetjingar, både eldre som er skrivne i eitt ord, eller i nyare, som blir skrivne i to ord med eller utan bindestrek mellom.

Kvinnenamn: Kjellaug, Kjellbjørg, Kjellfrid, Kjellrun
Mannsnamn:

Eldre: Askjell, Grimkjell, Kjellbjørn, Torkjell

Nyare: Kjell Inge, Kjell Magne, osb.

Kjende namneberarar

Kjell Bondevik (1901-1983), norsk politikar (KrF)
Kjell Knarvik (f. 1927), norsk skihoppar
Kjell Venås (f. 1927), norsk professor
Kjell Askildsen (f. 1929), norsk forfattar
Kjell Aukrust (1920-2002), norsk forfattar
Kjell Stormoen (1921-2010), norsk skodespelar og teatersjef
Kjell Bækkelund (1930-2004), norsk pianist
Kjell Storvik (f. 1930), norsk sentralbanksjef
Kjell Opseth (f. 1936), norsk statsråd (Ap)
Kjell Erik Vindtorn (1942-2009), norsk forfattar
Kjell Kristian Rike (1944-2008), norsk sportskommentator
Kjell Olaf Jensen (f. 1946), norsk litteraturkritikar
Kjell Magne Bondevik (f. 1947), norsk politikar og statsminister (KrF)
Kjell Underlid (f. 1950), norsk politikar (NKP)
Kjell Jacob Sollie (f. 1953), norsk langrennsløpar
Kjell Inge Røkke (f. 1958), norsk forretningsmann
Kjell Ola Dahl (f. 1958), norsk forfattar
Kjell Elvis (f. 1968), norsk Elvis-imitator
Kjell Ove Hauge (f. 1969), norsk friidrettsutøvar
Kjell Storelid (f. 1970), norsk skeiseløpar
Kjell Ingolf Ropstad (f. 1985), norsk politikar (KrF)

Sjå òg

Bokstaven kjell

Bakgrunnsstoff

Søk etter norsk namnestatistikk for Kjell hjå Statistisk Sentralbyrå

nordicnames.de