Slovakia i Eurovision Song Contest

Slovakia debuterte i Eurovision Song Contest i 1994 og deltok sju gongar inntil landet trakk seg frå tevlinga i 2012 på ubestemt tid. Slovakia vart nr. 18 i 1996, noko som framleis er den beste plasseringa til Slovakia i Eurovision Song Contest. Etter innføringa av semifinalar i 2004, har Slovakia aldri kvalifisert seg til finalen, og Slovakia har ikkje delteke i Eurovision Song Contest sidan 2012.[1]

Slovakia
EuroEslovaquia.svg
Offisielt Slovakia

STV (1994-2010)
RTVS (2011-2012)
Uttakingar
Nasjonalt 2
Internt 5
Deltaking
Debutår 1994
Deltakingar 7
Beste resultat
Semifinalen 13 (2011)
Finalen 18 (1996)
Verste resultat
Semifinalen Sist (2012)
Finalen 21 (1998)
Poeng
Semifinalane 102
Finalane 42
Totalt 144

HistorikkEndra

Det var den slovakiske allmennkringkastaren RTVS, tidlegare STV, som valde dei slovakiske bidraga til Eurovision Song Contest. Slovakia melde seg på tevlinga i 1993, saman med seks andre land frå den tidlegare austblokka. For å halde deltakartallet nede, kravde Den europeiske kringkastingsunionen at dei sju nye landa måtte gjennom ei eiga førehandskvalifisering, kalla Kvalifikacija za Millstreet (Kvalifisering til Millstreet). Dei tre beste landa i kvalifiseringa ville få ein plass i Eurovision Song Contest. Slovakia stilte med låten «Amnestia na neveru», fremført av bandet Elán. Slovakia vart nummer fire i tevlinga og fekk dimed ikkje deltake i finalen i 1993. Slovakia var berre eitt poeng unna å kvalifisere seg.[2]

DebutenEndra

I 1994 fekk Slovakia sin debut i Eurovision Song Contest, saman med ei rekkje nye deltakarland som Russland, Romania og Estland. Bidraget som fekk æra av å representere Slovakia i deira debut, var gruppa Tublatanka og songen «Nekonečná pieseň». I debuten vart Slovakia nummer 19 av 25, og den lave plasseringa gjorde at Slovakia måtte stå over tevlinga året etter. I 1996 var Slovakia tilbake og fekk sin til nå beste plassering, 18 av 23. Det var derimot ikkje nok til å kvalifisere seg til finalen i 1997.

I 1998 var Slovakia atter ein gong tilbake i Eurovision Song Contest, men Katarína Hasprová og songen «Modlitba» vart berre nummer 21 med åtte poeng – alle frå Kroatia. Dimed måtte Slovakia stå over tevlinga igjen i 1999. Den lite suksessfulle starten gjorde at STV heldt seg borte frå Eurovision Song Contest i elleve år.

ReturenEndra

I 2009 kom Slovakia tilbake igjen i Eurovision Song Contest, og for fyrste gong arrangerte STV ein nasjonal finale for å velje det slovakiske bidraget. Den nasjonale finalen vart kalla Eurosing, og finalen vart arrangert i Bratislava 8. mars. Kamil Mikulčík og Nela Pocisková vann med sangen «Leť tmou». Returen vart derimot lite suksessfull; bidraget kom nest sist i sin semifinale, og dimed kvalifiserte ikkje Slovakia seg til finalen i Eurovision Song Contest 2009.

Året etter vann Kristína Peláková Eurosong med songen «Horehronie». Trass i at songen var ein av favorittane før Eurovision Song Contest, havna Slovakia igjen på nest sisteplass i sin semifinale. I 2011 var STV omorganisert til RTVS, som sende tvillingsystrene TWiiNS til Düsseldorf. Der vart Slovakia nummer 13 av 19. Året etter gjekk det enda dårlegare; då havna Slovakia heilt sist i sin semifinale.

Nytt fråværEndra

Dei dårlege plasseringane, kombinert med den tronge økonomiske situasjonen hos den slovakiske kringkastaren, gjorde at RTVS trekte seg frå Eurovision Song Contest i 2013. Slovakia har ikkje delteke i Eurovision Song Contest. RTVS har sjølv sagt at det er trong økonomi som gjer at Slovakia ikkje deltar, ikkje resultata til Slovakia i tevlinga.[3][4]

BidragaEndra

År Artist Song Språk Finalen Semifinalen
Poeng Plass Poeng Plass
  1993 Elán «Amnestia na neveru» Slovakisk Ikkje kvalifisert 50 4
  1994 Tublatanka «Nekonečná pieseň» Slovakisk 15 19
  1996 Marcel Palonder «Kým nás máš» Slovakisk 19 18 36 17
  1998 Katarína Hasprová «Modlitba» Slovakisk 8 21
  2009 Kamil Mikulčík og Nela Pocisková «Leť tmou» Slovakisk Ikkje kvalifisert 8 18
  2010 Kristína «Horehronie» Slovakisk 24 16
  2011 TWiiNS «I'm Still Alive» Engelsk 48 13
  2012 Max Jason Mai «Don't Close Your Eyes» Engelsk 22 18

RøystgjevingEndra

FinalaneEndra

Slovakia har gjeve flest poeng til
# Land Poeng
01   Malta 34
02   Estland 30
03   Kroatia 27
04   Sverige 26
05   Irland 25

Slovakia har fått flest poeng frå
# Land Poeng
01   Malta 20
02   Kroatia 8
03   Hellas 7
04   Israel 5
05   Spania 2

SemifinalaneEndra

Slovakia har gjeve flest poeng til
# Land Poeng
01   Bosnia-Hercegovina 23
02   Sverige 19
03   Estland 18
04   Ukraina 17
05   Malta 14
  Noreg
  Serbia

Slovakia har fått flest poeng frå
# Land Poeng
01   Ukraina 14
02   Bosnia-Hercegovina 11
03   Portugal 9
04   Malta 7
  Moldova
  Serbia

ReferansarEndra

  1. «Slovakia – Eurovision Song Contest». Den europeiske kringkastingsunion. Henta 4. desember 2016. 
  2. «ESC 1993 Semi-final (Kvalifikacija za Millstreet) - full contest - Croatian Commentary». RTVSLO/EBU via YouTube. 10. oktober 2014. Henta 4. desember 2016. 
  3. Sanjay (Sergio) Jiandani (24. oktober 2016). «Slovakia: RTVS will not participate in Eurovision 2017». esctoday.com. Henta 4. desember 2016. 
  4. Robyn Gallagher. «Broadcaster RTVS confirms Slovakia will not return to Eurovision 2017». Wiwibloggs.com. Henta 4. desember 2016. 

KjelderEndra