Bosnia-Hercegovina i Eurovision Song Contest

Bosnia-Hercegovina debuterte i Eurovision Song Contest i 1993 og har delteke til saman 19 gongar. Frå 1961 til 1991 deltok landet i Eurovision Song Contest som ein del av Jugoslavia, og i 1993 debuterte Bosnia-Hercegovina som sjølvstendig nasjon etter å ha komme på andreplass i kvalifiseringsrunda Kvalifikacija za Millstreet. Bosnia-Hercegovina har aldri vunne Eurovision Song Contest, men har ein tredjeplass fra 2006 som beste plassering. Sidan 2012 har Bosnia-Hercegovina berre delteke éin gong, i 2016. Fråværet skuldast hovudsakleg økonomiske problem i den bosniske allmennkringkastaren Radiotelevizija Bosne i Hercegovine (BHRT).

EuroYugoslavia.svg
Bosnia-Hercegovina
EuroBosnia-Herzegovina.svg
(1998–i dag)
EuroBosnia-Herzegovina (1992-1998).svg
(1993–1997)
Offisielt Bosnia and Herzegovina, Bosnia-Herzegovina, Bosnia Herzegovina, Bosnia and Herzegovina

Radiotelevizija Bosne i Hercegovine
Uttakingar
Deltaking
Debutår 1993
Deltakingar 18
Beste resultat
Semifinalen 2 (2006)
Finalen 3 (2006)
Verste resultat
Semifinalen 11 (2016)
Finalen 22 (1996)
Poeng
Semifinalane 946
Finalane 1 242
Totalt 2 188

HistorieEndra

Fram til byrjinga av 1990-åra var Bosnia-Hercegovina eun del av Jugoslavia, som hadde delteke i Eurovision Song Contest sidan 1961. I 1991 og 1992 erklærte Slovenia, Kroatia, dåverande Republikken Makedonia og Bosnia-Hercegovina sjølvstende frå Jugoslavia.

Hovudartikkelen for dette emnet er Jugoslavia i Eurovision Song Contest.


Dramatisk debutEndra

I 1993 melde Bosnia-Hercegovina seg på Eurovision Song Contest saman med seks andre land frå den tidlegare Austblokka. For å halde deltakartalet nede, kravde Den europeiske kringkastingsunionen (EBU) at dei sju nye landa måtte gjennom ein eigen førehandskvalifisering, kalla Kvalifikacija za Millstreet (Kvalifisering til Millstreet). Dei tre beste landa i kvalifiseringen ville få ein plass i Eurovision Song Contest. Bosnia-Hercegovina vart nummer to i kvalifiseringen og sikra seg ein plass i finalen i 1993.

Dei fyrste deltakingene til Bosnia-Hercegovina var prega av den blodige krigen som herja i landet i 1990-åra. Landets fyrste deltakar, Fazla, og resten av den bosniske delegasjonen måtte på dramatisk vis ta seg ut av Sarajevo for å kunne komme til Irland. Sarajevo var på denne tida under kringsetjing. Under avrøystinga i Eurovision Song Contest same år måtte arrangørane bruke satellittsamband for å få kontakt med den bosniske juryen, sidan telefonnettet var nede i store delar av landet. Då dei fekk kontakt med den bosniske juryen, vart den bosniske juryen møtt med varm applaus frå publikum.[1]

Under Eurovision Song Contest i Dublin i 1994 vart dei bosniske artistane Alma og Dejan møtt med overveldande jubel og applaus frå publikum. Applausen var så langvarig og kraftig at Denjan ikkje høyrde at orkesteret hadde byrja å spele.[2] Også då den bosniske juryen vart kalla opp under avrøystinga, var applausen så øyredøyvande at programleiaren måtte be poengopplesaren Diana Grković-Foretić lese opp røystene frå start igjen. Noko liknande skjedde også under tevlinga i 1995.[3]

Etter startenEndra

Sidan debuten og fram til 2012 var Bosnia-Hercegovina ein trofast deltakar i Eurovision Song Contest, men landet måtte stå over i 1998 og 2000. Årsaka var dårlege plasseringar åra før.

I åra 20132015 deltok heller ikkje Bosnia-Hercegovina i tevlinga, på grunn av økonomiske problem hos allmennkringkastaren Radiotelevizija Bosne i Hercegovine. Landet kom tilbake i 2016, men har stått over Eurovision Song Contest sidan 2017 på grunn av den vanskelege økonomiske situasjonen i BHRT.[4] Kringkastaren skyldar EBU over 3 millioner euro og vart i 2017 utestengd frå å deltake i EBUs tevlingar og distribusjonsnettverk for nyheiter og idrett.[5] Kringkastaren jobbar med å tilbakebetale gjelda, med ein mogleg retur til Eurovision Song Contest tidlegast i 2020.[6]

Bosnia-Hercegovina har aldri vunne Eurovision Song Contest, men den beste plasseringa til landet kom i 2006, då gruppa Hari Mata Hari kom på tredjeplass med songen «Lejla». Det dårlegaste resultatet kom i Oslo i 1996, då Bosnia-Hercegovina ble nummer 22 av 23. I 2016 gjekk ikkje Bosnia-Hercegovina vidare til finalen, då dei vart nummer 11 i sin semifinale.[7]

BidragaEndra

År Artist Song Språk Finalen Semifinalen
Poeng Plass Poeng Plass
  1993 Fazla «Sva bol svijeta» Bosnisk 27 16 52 2
  1994 Alma og Dejan «Ostani kraj mene» Bosnisk 39 15 Ingen semifinalar
  1995 Davorin Popović «Dvadeset prvi vijek» Bosnisk 14 19
  1996 Amila Glamočak «Za našu ljubav» Bosnisk 13 22 29 22
  1997 Alma Čardžić «Goodbye» Bosnisk 18 22 Ingen semifinalar
  1998 Deltok ikkje
  1999 Dino og Béatrice «Putnici» Bosnisk og fransk 86 7
  2000 Deltok ikkje
  2001 Nino Pršeš «Hano» Bosnisk og engelsk 29 14
  2002 Maja Tatić «Na jastuku za dvoje» Serbisk og engelsk 33 13
  2003 Mija Martina «Ne brini» Kroatisk og engelsk 27 16
  2004 Deen «In the Disco» Engelsk 91 9 133 7
  2005 Feminnem «Call Me» Engelsk 79 14 Direktekvalifisert
  2006 Hari Mata Hari «Lejla» Bosnisk 229 3 267 2
  2007 Marija Šestić «Rijeka bez imena» Serbisk 106 11 Direktekvalifisert
  2008 Laka «Pokušaj» Bosnisk 110 10 72 9
  2009 Regina «Bistra voda» Bosnisk 106 9 125 3
  2010 Vukašin Brajić «Thunder and Lightning» Engelsk 51 17 59 8
  2011 Dino Merlin «Love in Rewind» Engelsk og bosnisk 125 6 109 5
  2012 Maya Sar «Korake ti znam» Bosnisk 55 18 77 6
Deltok ikkje 20132015
  2016 Dalal og Deen med Ana Rucner og Jala «Ljubav je» Bosnisk Ikkje kvalifisert 104 11
  • Resultata frå semifinalane i 1993 og 1996 er ikkje offisielt godkjend av Den europeiske kringkastingsunionen, og var berre med på å avgjere kva for land som fekk delta i Eurovision Song Contest.

RøystehistorikkEndra

FinalaneEndra

Bosnia-Hercegovina har gjeve flest poeng til
# Land Poeng
01   Kroatia 115
02   Tyrkia 95
03   Serbia 76
04   Slovenia 61
05   Frankrike 59

Bosnia-Hercegovina har fått flest poeng frå
# Land Poeng
01   Kroatia 144
02   Tyrkia 129
03   Slovenia 100
04   Austerrike 74
  Sverige

SemifinalaneEndra

Bosnia-Hercegovina har gjeve flest poeng til
# Land Poeng
01   Makedonia 71
02   Kroatia 61
03   Slovenia 49
04   Montenegro 38
  Tyrkia

Bosnia-Hercegovina har fått flest poeng frå
# Land Poeng
01   Sverige 53
02   Slovenia 51
03   Kroatia 50
  Makedonia
05   Tyrkia 46

GalleriEndra

ReferansarEndra

  1. Kohn, Marek (1. mai 1993). «Arts: Would you risk your life for Eurovision?: Bosnia-Herzegovina's entry for Eurovision brings the chill of war to bubblegum pop». The Independent. 
  2. «Eurovision 1994 Bosnia-Herzegovina (framføring fra finalen)». EBU/RTÉ via YouTube. 21. juli 2010. Henta 4. desember 2016. 
  3. Paul Jordan (8. februar 2012). «Make Love not War at Eurovision». ESC Insight. Henta 4. desember 2016. 
  4. Sanjay (Sergio) Jiandani (17. november 2014). «Bosnia & Herzegovina: BHRT will not return to Eurovision in 2015». esctoday.com. Henta 30. november 2016. 
  5. «Bosnia & Herzegovina: BHRT Barred From Competing in Eurovision Contests - Eurovoix». Eurovoix (engelsk). 25. mai 2018. Henta 27. mai 2018. 
  6. Granger, Anthony (29. desember 2018). «Bosnia & Herzegovina: Eurovision Participation Dependent on Resolving Funding Issues at BHRT». Eurovoix (engelsk). Henta 29. desember 2018. 
  7. «Bosnia & Herzegovina – Eurovision Song Contest». Den europeiske kringkastingsunion. Henta 30. november 2016. 

KjelderEndra