Tsjekkia i Eurovision Song Contest

	;
	; ČT
	; ČT
Uttakingar
Nasjonalt	4
Internt	4
Deltaking
Debutår	2007
Deltakingar	8
Beste resultat
Semifinalen	2 (2019)
Finalen	6 (2018)
Verste resultat
Semifinalen	Sist (2007 og 2009)
Finalen	25 (2016)
Poeng
Semifinalane	761
Finalane	479
Totalt	1 240

Tsjekkia debuterte i Eurovision Song Contest i 2007 og har delteke åtte gongar. Tsjekkia er blant landa med dei dårlegaste resultata i tevlinga; berre tre gongar har Tsjekkia kvalifisert seg til finalen. Tsjekkia har òg komme sist i semifinalen to gongar. Den beste plasseringa til Tsjekkia i Eurovision Song Contest er ein sjetteplass frå 2018.^[1]

HistorikkEndra

Tsjekkia debuterte i Eurovision Song Contest i 2007, som det siste av dei sentraleuropeiske landa; nabolanda Polen og Slovakia debuterte allereie i 1994. Det er den tsjekkiske allmennkringkastaren Česká televize (ČT) som sender tevlinga i Tsjekkia, og som vel artist og song som skal representere Tsjekkia i Eurovision Song Contest. I debuten fekk Tsjekkia den verst tenkelege starten, då gruppa Kabát kom heilt sist i semifinalen med songen «Malá dáma». Året etter kom Tsjekkia nest sist i sin semifinale, og i 2009 kom Tsjekkia heilt sist i semifinalen utan eit einaste poeng. Dei elendige resultata gjorde at Tsjekkia trakk seg frå Eurovision Song Contest i 2010 og skulda på liten interesse blant tsjekkarane og låge sjåartal.^[2]

ReturenEndra

Fråværet varte i fem år, og i 2015 var Tsjekkia tilbake igjen i Eurovision Song Contest. Artistane Marta Jandová og Václav Noid Bárta vart valde internt av ČT til å representere landet med songen «Hope Never Dies». Heller ikkje denne gongen klarte Tsjekkia å kvalifisere seg til finalen, men songen vart nummer 13 i semifinalen med 33 poeng - langt betre enn tidlegare resultat.

I 2016 lukkast det omsider Tsjekkia å kvalifisere seg til finalen med Gabriela Gunčíková og songen «I Stand». Men deira fyrste finaledeltaking vart lite suksessrikt: «I Stand» fekk ikkje eit einaste poeng i telefonavrøystinga, og juryane gav songen 41 poeng. Det førte til at Tsjekkia kom nest sist i finalen med 41 poeng.^[3]

I 2018 klarte Tsjekkia å kvalifisere seg til finalen for andre gong. På førehand hadde det tsjekkiske bidraget vore blant favorittane til å vinne Eurovision Song Contest, og Mikolas Josef og songen «Lie to Me» kvalifiserte seg til finalen og endte til slutt på ein sjetteplass – det klart beste resultatet til Tsjekkia til no. Også i 2019 lukkast Tsjekkia å kvalifisere seg til finalen med Lake Malawi og songen «Friend of a Friend».

BidragaEndra

År	Artist	Song	Språk	Finalen		Semifinalen
År	Artist	Song	Språk	Poeng	Plass	Poeng	Plass
2007	Kabát	«Malá dáma»	Tsjekkisk	Ikkje kvalifisert		1	28
2008	Tereza Kerndlová	«Have Some Fun»	Engelsk			9	18
2009	Gipsy.cz	«Aven Romale»	Engelsk			0	18
2015	Marta Jandová og Václav Noid Bárta	«Hope Never Dies»	Engelsk			33	13
2016	Gabriela Gunčíková	«I Stand»	Engelsk	41	25	161	9
2017	Martina Bárta	«My Turn»	Engelsk	Ikkje kvalifisert		83	13
2018	Mikolas Josef	«Lie to Me»	Engelsk	281	6	232	3
2019	Lake Malawi	«Friend of a Friend»	Engelsk	157	11	242	2
2020	Benny Cristo	«Kemama»	Engelsk	Avlyst