Slovenia i Eurovision Song Contest

	;
Offisielt	Slovenia
	; RTVSLO
	; RTVSLO
Uttakingar
Nasjonalt	24
Internt	2
Deltaking
Debutår	1993
Deltakingar	26
Beste resultat
Semifinalen	3 (2011)
Finalen	7 (1995 og 2001)
Verste resultat
Semifinalen	Sist (2013 og 2022)
Finalen	25 (2014)
Poeng
Semifinalane	1 168
Finalane	803
Totalt	1 971

Slovenia debuterte i Eurovision Song Contest i 1993 og har delteke 26 gongar. Slovenia har tidlegare delteke i Eurovision Song Contest som ein del av Jugoslavia og frå 1993 som ein sjølvstendig nasjon. Slovenia har aldri vunne tevlinga, men har to sjuandeplassar som beste plassering. Etter innføringa av semifinalar i 2004, har Slovenia kvalifisert seg til finalen på berre seks av sytten forsøk, seinast i 2019.^[1]

Historikk

Fram til byrjinga av 1990-talet, var Slovenia ein del av Jugoslavia, som hadde delteke i Eurovision Song Contest sidan 1961. Fire av bidraga frå Jugoslavia kom frå Slovenia; det fyrste bidraget frå Slovenia var Berta Ambrož og songen «Brez besed», som var Jugoslavia sitt bidrag i 1965. I 1991 og 1992 erklærte Slovenia, Kroatia, Makedonia og Bosnia-Hercegovina sjølvstende frå Jugoslavia

Utdjupande artikkel for dette emnet er Jugoslavia i Eurovision Song Contest.

I 1993 melde Slovenia seg på Eurovision Song Contest saman med seks andre land frå den tidlegare austblokka. For å halde talet på antall deltakande land nede, kravde Den europeiske kringkastingsunionen at dei sju landa måtte gjennom ei eigen førehandskvalifisering, kalla Kvalifikacija za Millstreet (Kvalifisering til Millstreet). Dei tre beste landa i kvalifiseringa, ville få ein plass i Eurovision Song Contest. Slovenia vann kvalifiseringa, og sikra seg dimed ein plass i finalen. Slovenias fyrste bidrag som sjølvstendig nasjon var med gruppa 1X Band og songen «Tih deževen dan».

Lite suksess

Det er allmennkringkastaren RTVSLO som sender tevlinga i Slovenia, og har ansvaret for å velje landets artist og sang. I 1990-åra hadde Slovenia middels suksess, men oppnådde ein sjuandeplass i 1995 som beste plassering. I 2001 fekk Slovenia ein ny sjuandeplass, men etter at Den europeiske kringkastingsunionen innførte semifinalar i 2004, har Slovenia berre kvalifisert seg til finalen seks gongar. Landets beste plassering etter 2001 er to trettandeplassar frå 2002 og 2011.

Slovenia sto også utanfor tevlinga i 1994 og 2000 på grunn av dårlege plasseringar åra før.^[2]

Bidrag

År	Artist	Song	Andre språk	Finalen		Semifinalen
År	Artist	Song	Andre språk	Poeng	Plass	Poeng	Plass
1993	1X Band	«Tih deževen dan»	Slovensk	9	22	54	1
1995	Darja Švajger	«Prisluhni mi»	Slovensk	84	7
1996	Regina	«Dan najlepših sanj»	Slovensk	16	21	30	19
1997	Tanja Ribič	«Zbudi se»	Slovensk	60	10
1998	Vili Resnik	«Naj bogovi slišijo»	Slovensk	17	18
1999	Darja Švajger	«For a Thousand Years»	Engelsk	50	11
2001	Nuša Derenda	«Energy»	Engelsk	70	7
2002	Sestre	«Samo ljubezen»	Slovensk	33	13
2003	Karmen Stavec	«Nanana»	Engelsk	7	23
2004	Platin	«Stay Forever»	Engelsk	Ikkje kvalifisert		5	21
2005	Omar Naber	«Stop»	Slovensk			69	12
2006	Anžej Dežan	«Mr. Nobody»	Engelsk			49	16
2007	Alenka Gotar	«Cvet z juga»	Slovensk	66	15	140	7
2008	Rebeka Dremelj	«Vrag naj vzame»	Slovensk	Ikkje kvalifisert		36	11
2009	Quartissimo med Martina Majerle	«Love Symphony»	Slovensk og engelsk			14	16
2010	Ansambel Žlindra og Kalamari	«Narodnozabavni rock»	Slovensk			6	16
2011	Maja Keuc	«No One»	Engelsk	96	13	112	3
2012	Eva Boto	«Verjamen»	Slovensk	Ikkje kvalifisert		31	17
2013	Hannah Mancini	«Straight Into Love»	Engelsk	Ikkje kvalifisert		8	16
2014	Tinkara Kovač	«Round and Round»	Slovensk og engelsk	9	25	52	10
2015	Maraaya	«Here for You»	Engelsk	39	14	92	5
2016	ManuElla	«Blue and Red»	Engelsk	Ikkje kvalifisert		57	14
2017	Omar Naber	«On My Way»	Engelsk	Ikkje kvalifisert		36	17
2018	Lea Sirk	«Hvala, ne!»	Slovensk	64	22	132	8
2019	Zala Kralj og Gašper Šantl	«Sebi»	Slovensk	105	15	167	6
2020	Ana Soklič	«Voda»	Slovensk	Tevling avlyst
2021	Ana Soklič	«Amen»	Engelsk	Ikkje kvalifisert		44	13
2022	LPS	«Disko»	Slovensk	Ikkje kvalifisert		15	17
2023	Joker Out	«Carpe Diem»	Slovensk	78	21	103	5